JENESI 2
2
1 Koe uluaki aho tabu. 4 Koe aga oe fakatubu. 8 Koe goue ko Iteni, 10 mo hono vaitafe. 17 Koe fakatabu‘i ae akau oe ilo. 19, 20, Koe fakahigoa oe faga manu. 21 Koe gaohi oe fefine, moe tuutuuni oe fakamau unoho.
1NAE behe a hono gaohi o oji ae lagi moe fonua, mo ho na nāunāu kotoabe. 2Bea i hono fitu oe aho kuo fakaoji e he Otua a ene gaue aia naa ne fai; bea nae tutuku ia i hono fitu oe aho, mei he ene gaue kotoabe aia naa ne fai. 3Bea nae tabuaki e he Otua a hono fitu oe aho, mo ne fakatabu‘i ia: koeuhi koia ia naa ne tutuku ai mei he ene gaue kotoabe, aia nae fakatubu mo gaohi e he Otua.
4Koe tala fakahohoko eni ki he gaohi oe lagi mo mamani, i he aho aia nae fakatubu ai e Jihova koe Otua, a mamani bea moe lagi, 5Moe akau kotoabe oe fonua i he heeki ke tuu ia i he kelekele, moe akau iki kotoabe oe fonua, i he heeki ai ke tubu: he nae heeki ke tuku e he Otua ha uha ki he kelekele, bea nae ikai ha tagata ke goue‘i ae kelekele. 6Ka nae alu hake ae vaivao mei he fonua, ke fakaviviku ae fuga kelekele kotoabe. 7Bea nae gaohi e Jihova koe Otua ae tagata mei he efu oe kelekele, bea ne manava ki hono ava‘i ihu ae manava oe moui; bea hoko ae tagata koe laumalie moui.
8Bea nae to ae goue e Jihova koe Otua ki he botu hahake i Iteni; bea ne tuku ki ai ae tagata aia naa ne gaohi. 9Bea nae fakatubu e Jihova koe Otua mei he kelekele ae akau kotoabe oku matamatalelei, bea lelei ki he kai; moe akau oe moui foki i he loto goue, bea moe akau oe ilo oe lelei moe kovi. 10Bea nae alu atu ae vaitafe i Iteni ke fakaviviku ae goue; bea ne mavahevahe ia mei ai i he magai‐vai e fa. 11Koe higoa oe uluaki ko Bisoni: koia ia oku takatakai ae fonua kotoa ko Havila, aia oku i ai ae koula; 12Bea oku lelei ae koula oe fonua koia bea oku i ai ae mataitofe, moe maka koe onike. 13Bea koe higoa o hono ua oe vaitafe ko Kihoni: koia ia oku takatakai ae fonua kotoa ko Kusi. 14Bea koe higoa o hono tolu oe vaitafe ko Hitikeli: koia ia oku tafe atu ki he hahake o Asilia. Bea ko hono fa oe vaitafe ko Iufaletesi. 15Bea nae ave e Jihova koe Otua ae tagata o ne tuku ia ki he goue ko Iteni, ke tauhi mo leo ki ai. 16Bea nae fekau e Jihova koe Otua ki he tagata, o behe, E gofua a hoo kai mei he akau kotoabe oe goue, 17Ka koe akau oe ilo oe lelei moe kovi, e ikai te ke kai mei ai: he koe aho koia te ke kai ai, koe mooni te ke mate.
18Bea nae folofola e Jihova koe Otua, Oku ikai lelei ke toko taha be ae tagata: teu gaohi kiate ia ha tokoni oku tāu mo ia. 19Bea nae gaohi e Jihova koe Otua, mei he kelekele ae faga manu kotoabe oe fonua, moe manu kotoabe oe atā; bea ne omi ia kia Atama, ke vakai be koeha te ne ui akinautolu: bea iloga ae higoa nae ai e Atama ki he mea moui kotoabe, ko hono higoa ia. 20Bea nae fakahigoa e Atama ae faga manu lalahi kotoabe, moe faga manu buna oe atā, moe faga manu kotoabe oe vao; ka nae ikai ke ilo kia Atama ha tokoni nae tāu mo ia. 21Bea nae tuku e Jihova koe Otua, ae mohe mau kia Atama, bea naa ne mohe: bea naa ne too hono hui vakavaka e taha, bea nae toe fakamaobo a hono kakano. 22Bea koe hui vakavaka aia nae too e Jihova koe Otua mei he tagata, naa ne gaohi mei ai ae fefine, bea omi ia ki he tagata. 23Bea nae behe e Atama, Koe hui eni o hoku gaahi hui, moe kakano o hoku kakano: e ui ia koe Fefine, koeuhi nae too ia mei he Tagata. 24Koia e tukuage ai e he tagata e ene tamai mo ene fa‘e, kae bikitai ki hono unoho: bea te na kakano taha be. 25Bea naa na fakatou telefua, ae tagata mo hono unoho, bea nae ikai te na ma ai.
अहिले सेलेक्ट गरिएको:
JENESI 2: TWB
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्