Mateu 11
11
Umbue siya tetama upe
1Jesus umbue rire umbuewaita duziwaita usu umbue arama aintarendawa kiti.
Juão umundu ainta Jesus ipiri
2Asui kua Juão uikuwaa kadeya upe usendu irumu Jesus umunyawaita resewara ape umundu umbuewaita aintausu arama aintaupurandu Jesus.
3Aintaunyee Jesus supe:
—Maitaa indete kua reyuiri aramawaa, u maitaa yasarure amu nesui?
4Jesus usuaxara ainta, umbeu ainta supe:
—Peyuiri pembeu Juão supe kua pesenduwaa serese kua pemaawaa yuiri.
5Aintaumaawana kuaita sesaimawaita, aintauwatana puranga kuaita alejaduita, purangana aintapira kuaita lepruzuita, aintausenduana kuaita iapisaimawaita, aintausemu aintaupaka umanuwaita, aintausenduana kua inyenga purangawaa kuaita pirasuawaita.
6Suuri kuri kua tiwa umanduari puxuwera serese.
Jesus umbeu Juão resewara
7Asui aintauyuiri irumu isui Jesus uyupiru umbeu Juão resewara ainta supe kuaita miraita, umbeu:
—Maataa pesu pemaa kampu kiti? Maitaa pesu pemaa iwitu upeyu uwiwa rawa rese?
8Marantaa pesu pemaa? Maitaa pesu pemaa yepe apigawa urikuwaa irupa purangawaa? Aete hambeu penye arama aintauiku guvernaduru ruka upe kuaita urikuwaita aintarupa purangawaa.
9Ape marantaa pesu pemaa kampu kiti? Maitaa pesu pemaa yepe utitikawaa? Ẽẽ, utitikawaa ae, asui hambeu penye arama puranga piri utitikawaa sui kua pesuwaa pemaa.
10Nyãse aete kua aintaumpinimawaa sese kuxima, ixete hamundu yepe umbeusara nerunde umukaturu arama nerapee nerunde.
11Supiwa hambeu penye arama:
—Aintasuiwara kuaita unaseriwaita umaa kua ara timaa yamaa amu iara kiti xingawaa kua Juão Batista sui, maa puranga piri kua aintawira kitiwaa kuaita iwaka ruixawa imiraita.
12Kuximare Juão Batista umbue rame kuera ate kuiri yuiri kirimbawa aintauputari imiraita arama ainta kua iwaka ruixawa, asui kuaita kirimbawawaita aintaumuserana ae imiraita arama ainta.
13Kuxima aintautitika kuaita utitikawaita panye, Muize umpinimawaa utitika yuiri ate Juão rese.
14Asui peputari rame pesendu hambeu penye arama, aete Elia kua aintaumbeuwaa sese uriwaa kuri.
15Awa uriku iapisa kuara urikute usendu.
16Maa awa yawetaa haseruka kuaita miraita kuiriwaraita? Haseruka ainta tainaita yawe uikuwaita ukara kiti aintausenui aintarumuaraita, aintaunyee:
17—Yapeyu penye arama membi maa tipepurasi, yambeu penye arama nyenga sasiyarawaa maa tipeyaxiu.
18Juão uri pepiri, timaa umbau tiyuiri uu asui aintaumbeu uriku demuniu.
19Kua unaseriwaa umaa kua ara uri pepiri umbau uu yuiri asui aintaumbeu, ike yepe apigawa turusuwaa umbau ukauwera yuiri uajudari publikanuita puxuwerawaita yuiri. Yawe aintaunyee; maa yapuderi yakuawa panye aintaumanduarisawa ipupe kua aintaumunyawaa.
Puxuwera kuri aintarese
20Asui Jesus umbeu aintaresewara kuaita sidadi umunyawaa ape milagri, nyãse tisasiyara aintaumanduari aintapekadu.
21Unyee aintarese:
—Puxuwera kuri inde sidadi Kurazim, puxuwera kuri inde tetama Betisaida, hamunya rame maa milagri Tiru upe Sidum upe yuiri kuaye hamunyawaa yawe penye arama kuximare sasiyara maa aintaumanduari aintapekadu resewara, aintaumuyari maa aintaakanga rese saku aintaumuyapumiwaa sinza upe yakuawa arama maa sasiyara ainta.
22Maa hambeu penye arama, pepurara kuri turusu piri aintasui kuaita Tiru upewaraita Sidum upewaraita yuiri nyã ara kuri Deus uxari arama aintaupurara aintapekadu resewara.
23Asui inde sidadi Kafarnaum maitaa reyusupiri aintasui ate iwaka kiti, asui rewiye yuiri ate infernu kiti, hamunya rame maa milagri Suduma upe kuaye hamunyawaa yawe inde arama uikure maa ate kuiri.
24Maa hambeu inde, repurara kuri turusu piri Suduma sui nyã ara upe uriwaa kuri Deus umbeu arama aintapekadu.
Jesus umukaturu pirasuawaita
25Asui aramete Jesus unyee:
—Hamee inde arama purangawaa inde sepaya iwaka ruixawa ara ruixawa yuiri, nyãse rexari tainaita ukuawa mayesawataa kua nenyenga reyumimiwaa aintasui kuaita ukuawawaita.
26Yawete remunya inde sepaya nyãse yawe reputari remunya.
27Kuxima sepaya uxari ixe arama panye maantu, nẽ awa ukunyeseri Deus raira anyunte ipaya ukunyeseri ae, tiyuiri awa ukunyeseri sepaya anyunte taira ukunyeseri ae, kuaita yuiri kuri ukunyeseri ae kuaita taira uxariwaita ukunyeseri arama ae.
Peyuiriana sepiri
28Peyuiriana sepiri muiri penye pekuerewaita, peyuiriana sepiri penye perasuwaita ipusewaa haxari arama kuri pepitu puranga.
29Pexari hamprezu penye pesu arama seirumu peyumbue seirumu nyãse timaa ipiaiwawaa ixe merupiara hapurungita penye arama ape kuri timaarese pepia.
30Nyãse iwasuima yawata seirumu, ipuseimawaa harasuwaa.
अहिले सेलेक्ट गरिएको:
Mateu 11: BBp
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
© 2021 Missão Novas Tribos do Brasil
Todos os direitos são reservados à:
Missão Novas Tribos do Brasil
Rua Itália, Qd. 57 L. 5-7 - Santa Isabel
75083-310 Anápolis, GO
