PĚNDARIADI 12
12
I Abram nikuiangu Mawu e
1 #
MMR. 7:2-3; Ibr. 11:8 Mawu e něhengetang si Abram, ”Sěbangko wọu wanuanu, wọu tal᷊oarang balagu e ringangu wọu wal᷊eng amangu e, kakoạ sol᷊ong banua Takụ nitul᷊ada si kau. 2Iạ mapakakoạ hitenu e mal᷊awọ kụ i sire sarung makoạ kawanua masěllahẹ̌. Iạ e sarung měngal᷊amatẹ̌ si kau ringangu mapakasěllahu arengu, kụ i kau sarung makoạ al᷊amatẹ̌.
3 #
Gal. 3:8
Iạ e sarung měngal᷊amatẹ̌ si sai-sain něngal᷊amatẹ̌ si kau
ringangu měngane si sai-saim mangane si kau.
Kụ ual᷊ingu i kau tangu
Iạ sarung měngal᷊amatẹ̌ patikụ bansa e su dunia.”#12:3: Kụ ual᷊ingu … bansa e su dunia; arau patikụ bansa e sarung gumahiorọ si Siạ tadeạu mengal᷊amatẹ̌ si sire kerẹewe lai seng Takụ nial᷊amateng i kau.
4-5I Abram natimu pitum pul᷊o l᷊ima su taunge, piạ i sie naněntangu Haran, natuhụewe kere titam Mawu e si sie. I Abram e nakoạ sol᷊ong ěntanang Kanaan sěngkaral᷊eng dingang i Sarai kawinge, ringangu i Lot anạu tuarine, dingangu kal᷊awọu arětạ e ringangu manga ěllange nạung kinaěbakeng i sire su Haran.
Ene i sire nahumpạ e su Kanaan. 6I Abram naměpide ěntana ene hakịu i sie nahumpạu kalu jati su More, tampạu pẹ̌kakal᷊iomanengang su Sikem. (Su tempo ene tau Kanaan deng bědang měmpẹ̌tẹ̌tanạ su wanua ene.) 7#MMR. 7:5; Gal. 3:16 Mawu e nẹ̌těngkatodẹ u watangenge si Abram dingangu nẹ̌bera si sie, ”Ini e wanua sarung Takụ ighěllị su hitenu.” Bọu e i Abram něndarisị u pananěmbaěng sěmbaụ sene waugu Mawu e nạung seng bọu nẹ̌tengkatodẹ si sie. 8Bọu ene i sie naněpasu raral᷊enge sol᷊ong sěmběkan timuhẹ̌, sol᷊ong banua piạ bawul᷊urang e su sěmběkan daki wọu soan Betel kụ nẹ̌daseng su wěllạ u soan Betel dingangu soan Ai: Betel su sěmběkan bahẹ dingangu Ai su sěmběkan daki. Sene i sie mal᷊aing něndarisị u pananěmbaěng mase naněmba Mawu. 9Bọu e i sie naněpaseng daral᷊enge wọu tampạ sěmbaụ sol᷊ong tampạ tuhụ e, mětẹ̌timona sol᷊ong sěmbekan timuhẹ̌ bọu wanuang Kanaan.
I Abram su Misirẹ̌
10Kutẹu su Kanaan kai piạ karal᷊unusẹ̌ masaria, hakịu i Abram dimal᷊eng něngalembong karaune lai sol᷊ong sěmbekan timuhẹ̌ sol᷊ong Misirẹ̌ mědeạu matanạ sene sarang karal᷊unusẹ̌ ene mapaghohẹ̌. 11Su tempo ene i sie mapulu lumiu pẹ̌saraěng kụ sụsuẹ̌ e su Misirẹ̌ e, nẹ̌berạe i sie su kawinge i Sarai u, ”I kau e kai masadadạ, kawingku e. 12Kụ kereu tau Misirẹ̌ e makasilo si kau e ute i sire mang mangěnna u i kau e kawingku, tangu nal᷊ahẹ u iạ mang pateěng, kụ i kau e iapẹ̌biahʼi sire. 13#Pěnd. 20:2, 26:7 Kụ mapiawe i kau měngkate paul᷊ị u i kau e kai wawineku, tadeạu iạ e ipakawalawe wiahẹ̌, dingangu měmpẹ̌koạbe mapia ual᷊ingu i kau e.” 14Kụ mamben těngadẹ̌ sarạeng i Abram lụl᷊iu e pẹ̌saraěng kụ nahumpạ e su Misirẹ̌ e, tangu tau Misirẹ̌ e nakasilọ e nạung i Sarai kai tau wawine masadadạ-dadạ. 15Pirang katau wọu tal᷊oarang pěgawai su istana nakasilo si sie kụ něhabarẹ̌ su ratu u tau wawine ene e kai nạung masadadạ-dadạ ual᷊ingu ene hakịu i sie niwawa sol᷊ong bal᷊en datu. 16Ual᷊ingu i Sarai tangu ratu e mapia miěbạ si Abram, dingangu nangonggọu manga ěllange si sie, kawanangu domba ringangu kambing, sapi, kalide, ringangu onta.
17Kaiso ual᷊ingkewen datu kawe něngal᷊ạ si Sarai, tangú Mawu e naparěntan sakị makạtatakụ su ratu ringangkeweng kal᷊awọu ral᷊ohon bal᷊e lawọ. 18Mase ratu e nẹ̌kui si Abram dingangu nakiwal᷊o si sie, ”Kai apạ e kinoạ si siạ? Unụe i kau kawe tawe naul᷊ị u i sie kawe kawingu tangu? 19Kawe unụ e nipaul᷊ị u i sie kawe wawinenu, dingangu niwala iạ něngal᷊a si sie nikoạ kawingku? Ěndaị i sie kawingu e; al᷊ạ e kụ dakọ e!” 20Datu e nẹ̌parenta manga sawohịe pirang katau, kụ i sire naněbang i Abram bọu soa ene ringangu kawinge ore lai kal᷊awọu rarotonge.
अहिले सेलेक्ट गरिएको:
PĚNDARIADI 12: SXN
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्