Yhn 2
2
Nkhuvu wa vukati le Kana
1Hi siku dra vuraru#2:1 Siku dra vuraru: drifambelana ni kutikombisa ka Xikwembu Nkulukumba ku xitrhungu (Khm 19:11; Ms 22:4; 42:18; Hx 6:2). Kutikombekisa loku kuhetisekiki kupfukeni ka Yesu hi siku dra vuraru; a nkubyini wa le Kana Yesu atikombisi hi vhinyu ledri drimpswha dringa ledri drinene dra Testamente ledri drimpswha, driyalelanaka ni vhinyu dra khale dra Testamente ledri drakhale., kuva ni nkhuvu wa vukati amutini wa Kana le Galileya. Na yene mamana wa Yesu afa ali kone. 2Yesu ni vadondrisiwa vakwe afa varambiwi nkhubyini na vone. 3Kuti loko vhinyo drihelile, a mamana wa Yesu aku ku yene: Avehena vhinyo. 4Yesu aku ku yene: Wansati, kuna yini amakari kwanga na wene? A nkama wanga awusanganatlhasa. 5A mamana wakwe aku ku malandra: Yentxani hinkwaswu leswi atakan'wibyela swone. 6Afa kuni tihotro ta ribye ta ntlhanu ni yin'we#2:6 A nhlayu ya ntlhanu na yin'we yikombisa a kuka kuhetiseka (ku ntlhanu na tibiri kupumbiwa yin'we). A tihotro ta ribye atina ntxhumu (i maphanga) na afa tifaneli kuva titalile akuva tikombisa a Nawu wa Testamente ledri dra khale dra kutraliwa amaribyeni. Ntlhanta kubiri, akuva phanga swidjula a kukombisa a masungulu ya xipfumelelanu lexi ximpswha (nkhuvu) xa Xikwembu Nkulukumba ni tiko drakwe hikola ka Yesu. leti va-Yuda afaka vatitirisela kuhlamba mandla hi xitoloveto xa vukhongoti byavu. Yin'wana ni yin'wana afa yiteka dzana dra mimpimu ya mati. 7Yesu aku ku malandra: Tatani tihotro leti hi mati. Vatitata tiku khapa hi mati. 8Kutani aku ku vone: Kanani swoswi n'wimayisa ku mufambisi wa nkhuvu. Kutani vamayisa. 9A mufambisi wa nkhuvu adringa mati lawa mandrulukiki vhinyo; kambe afa angativi laha drihumaka kone, afa switibyiwa ntsena hi malandra lawa afaka makeleli mati. Kutani avitana muteki, aku ku yene: 10A vhanu hinkwavu vatoloveli kuhumexa vhinyo ledri drinene kusunguleni, kutani loko kunwiwile ngopfu, kuli kone vahumexaka ledri dringanandrikiki ngopfu; kambe wene ubekisi vhinyo ledri drinene kutlhasa swoswi #2:12 Kukombisiwa hi kutiyisa ka nkama akuhambana ka Testamente ledri dra khale ni ka Testamente ledri drimpswha. Ntsena Yesu hi lweyi swoswi atisaka a vhinyu ledri drinene ni kunyoxa.
11 # Lavisa 1:14. A mahlolana lawa, hi wolawa Yesu angasungula ha wone, amutini wa Kana a Galileya, akombisa kuphatima kwake; kutani a vadondrisiwa vakwe vahangapfumela ku yene#2:11 A mahlolana lawa, na kone mahlayiwaka swikombisu, madrunguleliwa akuva a vahlayi vapfumela leswaku Yesu i Mesiya N'wana wa Xikwembu Nkulukumba. Lavisa 20:30-31. Ku mhaka ya ntlhamuxelo wa xikombisu, lavisa Nhingeno na 6:26.
12 # Lavisa Khm 12:1-27. A ntrhaku ka swone afulamela aya Kapernawume, na ali ni mamana wakwe ni vamakwavu ni vadondrisiwa vakwe; kutani vayatrhama kone masiku mangemangani.
Yesu a Tempeleni
(Mt 21:12-13; Mrk 11:15-17; Lk 19:45-46)
13A nkhuvu wa Paska dra va-Yuda afa wu kusuhi, kutani Yesu antlhantukela Yerusalema. 14Andlwini ya Hosi akuma vhanu lava vaxavisaka tihomu, ni tihamba, ni matuva, ni lava vabindrulisaka timali, na vatrhami kone. 15Kuti loko Yesu aluki xisephu hi tingoti, avahlongola vahuma hinkwavu aNdlwini ya Hosi, ni tihamba, ni tihomu; ahangalasa ni mali yalava vabindrulisaka, awisetela ni matafula yavu. 16Kutani abyela lava vaxavisaka matuva aku: Susani leswi hinkwaswu la; n'wingandruluti yindlu ya Tatana wanga, yiva yindlu ya minxavu. 17#Lavisa Mps 69:10. A vadondrisiwa vakwe vahangadrimuka leswaku kutraliwi: A nkhinkhi hinkonta ya yindlu yaku yita ni da.
18Kolahu a varangeli va va-Yuda vamuvutisa vaku: Ungayentxa xikombiso xini lexi xingakombisaka leswaku u nyikiwi ntamu wakuyentxa leswi xana? 19Yesu avayangula, aku: Hahlulani a Tempele ledri, kutani mine nitadripfuxa ha masiku mararu. 20A va-Yuda vamubyela kolahu vaku: A Tempele ledri, drayakiwi ha mune wa makume na ntlhanu na drin'we (46) wa malembe#2:20 A kupfuxetiwa ka Tempele afa kusunguli hi lembe dra makume mabiri ntrhaku ka Kriste (20 a. C), amfun'w'ni wa Heroda lwenkulu., kutani wene, uli utadripfuxa ha masiku mararu xana? 21Kambe Yesu afa ahlaya Tempele dra miri yake. 22Hikolahu kungaku loko apfuki akufeni, a vadondrisiwa vakwe vadrimukiki leswaku amhaka leyi asama ayihlaya; kutani vapfumela Matralwa ni ritu ledri Yesu angavabyela drone.
23Loko ali Yerusalema, ankhubyini wa Paska, a vhanu lava vanyingi vapfumela ku yene, hi kuvona mahlolana lawa amayentxaka. 24Kambe Yesu afa angavadumbi, leswi avativiki hinkwavu. 25Na swone afa swingafanekeli leswaku mhunu mun'wana amubyela ta mun'wana, hikusa afa ativa leswi swinga mbilwini ya mhunu.
अहिले सेलेक्ट गरिएको:
Yhn 2: NTX2007
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Xironga New Testament with Psalms © Bible Society in Mozambique, 2007.
