Yhn 13
13
Yesu ahlampswa minenge ya vadondrisiwa
1Na nkhuvu wa Paska wungasangava kone, Yesu hi kutiva leswaku a nkama wakwe wa kusuka misaveni, aya ku Tatana, wutlhasile, leswi arandriki vhanu vakwe lana misaveni, avarandriki kuyatlhasa vugan'wini.
2Kutani, loko vatrhami kudeni, Diyavulosi afa abeki khale ambilwini ya Yudasi Iskariyota, n'wana Simoni arengu dra kuwonga Yesu. 3Yesu, hikutiva leswaku Tatana abeki hinkwaswu amahlweni kwake, ni leswaku ahumi ku Xikwembu Nkulukumba, na swone aya ku Xikwembu Nkulukumba. 4Asekeleka atrika xilalelo, asusa xiyambalu xakwe, ateka thawula, atikhama ha drone. 5Kutani atxhela mati axibyeni, asungula kuhlampswa minenge ya vadondrisiwa, amisula hi thawula ledri afaka atikhami ha drone. 6Atrhindrekela Simoni Petrosi; kutani Petrosi aku ku yene: Hosi, udjula kunihlampswa minenge, xana? 7Yesu amuyangula, aku: Leswi niswiyentxaka awusinaswitiva swoswi, kambe utaswitiva ntrhaku. 8Petrosi aku ku yene: Anha ungahlampswi a minenge yanga, ni siku ni drin'we! Yesu amuyangula, aku: Loko ningakuhlampswi, awuna kuyaveliwa txhumu na mine. 9Simoni Petrosi aku ku yene: Hosi mingavi minenge ntsena, kambe ni mavoko ni nhloko! 10Yesu aku ku yene: Lweyi ahlambiki aswahadjuleki kutlhela ahlamba, loko minge minenge ntsena, hikusa miri yake hinkwayu mibasile. Kutani n'wine, n'wibasile, kambe ahi hinkwenu. 11Hikusa afa ativa lweyi anga muwongi; hi laha angahlaya ha kone aku: Ahi hinkwenu n'wibasiki.
12 # Fananisa tindrimana leti na Lk 22:24-27. Loko aheti kuhlampswa minenge yavu, ateka a xiyambalu xakwe, atlhela atrhama tafuleni; aku ku vone: N'wiyingelisisile leswi niswiyentxiki ku n'wine xana? 13N'winihlaya Mudondrisi ni Hosi. N'wihlayelamfuri, hikusa ni Yene. 14Kutani ke, loko mine ninga Hosi ni Mudondrisi wenu, nihlampswi minenge yenu, nan'wine n'wifanela kuhlampswana minenge. 15Hikusa nin'wibekeli xikombiso, akuva na n'wine n'wiyentxisa xileswi niyentxisiki xiswone ku n'wine. 16Nihlayelamfuri nili ku n'wine: A nandra ahi nkulu ku n'winyi wakwe, ni murumiwa ahi nkulu ku lweyi amurumiki. 17Loko n'witiva leswo, n'wini ndjombo loko n'wiswiyentxa.
18 # Lavisa Mps 41:9. Anihlayi n'wine hinkwenu; navativa lava nivahlawuliki; kambe hileswaku a tralwa drihetiseka, ledri dringaku: Lweyi adaka na mine kati, anitlakuxeli xirendre. 19#Lavisa 8:24 ni xikombiso. Nan'wibyela ni swoswi na swingasihumelela, akuva loko switahumelela, n'witapfumela leswaku Ni Yene. 20Nihlayelamfuri nili ku n'wine: lweyi ayamukelaka lweyi ni murumiki, awaniyamukela; ni lweyi aniyamukelaka, ayamukela lweyi anirumiki.
Yesu Ativisa leswaku atawongiwa
(Mt 26:20-25; Mrk 14:17-21; Lk 22:21-23)
21Loko Yesu ahlayi timhaka leto, atxhuka hi kuvaviseka moyeni, kutani apaluxa mhaka, aku: Nihlayelamfuri, nili ku n'wine, a mun'we ku n'wine ataniwonga. 22A vadondrisiwa afa valavisana, vaganaganeka hi leswi afaka vangativi leswaku ahlaya mani. 23Mun'wana wa vadondrisiwa vakwe, lweyi Yesu afaka amurandra, afa atrhami hi tlhelo dra Yesu, dra xinene; 24kutani Simoni Petrosi amukwehleta akuva avutisa leswaku ahlaya mani. 25A mudondrisiwa lweyo aseketela axifuveni xa Yesu, ahlevetela, aku: Hosi, hi mani xana? 26Yesu ayangula, aku: Hi lweyi nitakapeta katinyana nimunyika. Kutani apeta katinyana, anyika Yudasi Iskariyota, n'wana Simoni. 27Ntrhaku ka kuyamukela akatinyana, Sathana anhingena ku Yudasi. Kutani Yesu aku ku yene: Leswi udjulaka kuswitira, kahlula uswitira.
28Akuvanga ni mun'we wa lava vatrhamisiki kudeni, lweyi angativa leswaku ahlaya yini ha swone. 29A van'wana vayanakanyi leswaku, leswi Yudasi afaka ali mutameli wa xikhwama xa mali, Yesu amubyela kuya xava a swa nkhuvu leswi swidjulekaka, kumbe kuya nyika xa ntxhumu ku swisiwana. 30Kolahu, loko Yudasi ateki katinyana, ahatla ahuma. Afa byili vusiku.
31Loko Yudasi ahumile, Yesu aku: Swoswi N'wana wa Mhunu atwalisiwile, na kone Xikwembu Nkulukumba atwalisiwile ku yene. 32Loko Xikwembu Nkulukumba atwalisiwile ku yene, na yene Xikwembu Nkulukumba atamutwalisa amahlweni kwake, atahatla amutwalisa. 33#Lavisa 7:34. Vana vanga, nahali na n'wine nkamanyana; n'witanidjula, kambe swanga hi leswi nibyeliki va-Yuda, na n'wine nan'wibyela: Laha ndriyaka kone n'wine an'wina kuswikota kuya. 34Nin'winyika nawu lowu wumpswha, hileswaku: Randranani! Swanga hi leswi na mine nin'wirandriki, na n'wine randranani! 35Hi kurandrana kwenu, hinkwavu vatativa leswaku n'wi vadondrisiwa vanga.
Yesu apaluxa kulandrula ka Petrosi
(Mt 26:31-35; Mrk 14:27-31; Lk 22:31-34)
36Simoni Petrosi aku ku yene: Hosi, uya kwini? Yesu amuyangula, aku: Lomu niyaka kone, ungaka ungaswikoti ku nilandra swoswi; kambe ntrhaku utanilandra. 37Petrosi aku ku yene: Hosi, xana ninga hluleka kukulandra swoswi hikola kayini xana? Ninga nyiketa vutomi byanga hikola kwaku! 38Yesu amuyangula, aku: Xana unganyiketa vutomi byaku hikola kwanga? Nihlayelamfuri nili ku wene, loko nkuku wungasina dringa, utava unilandruli kuraru.
अहिले सेलेक्ट गरिएको:
Yhn 13: NTX2007
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Xironga New Testament with Psalms © Bible Society in Mozambique, 2007.
