KUPUTUKA 5
5
1Ou ukiko mukanda wakusemu-mwina caAlama. Halikumbi lize atangile Kalunga mutu, amutangile wakulifwana naKalunga.
2 #
Mako 10.6. Avatangile lunga napwevo, avakiswile, avalukile lijina lyavo ngwenyi, #5.2 Nge ngwenyi, Mutu.Alama, halikumbi lize avatangile.
3Jino Alama ayoyele myaka likulukaji namakumi atatu, numba aseme mwana wakulifwana nenyi, wakutambula kuli ikiye, kaha amulukile lijina lyenyi ngwenyi, Sete.
4Jino omu alingile hanaseme lyehi Sete, makumbi aAlama akwavo ahetele mumyaka makulukaji atanu naatatu, kaha asemene vana vamalunga navava vamapwevo.
5Ngoco makumbi osenaze ayoyele Alama ahetele mumyaka makulukaji atanu naawana namyaka makumi atatu, kaha afwile.
6Sete ayoyele myaka likulukaji namyaka yitanu, numba aseme Enoxe.
7Jino omu alingile hanaseme lyehi Enoxe, Sete ayoyele myaka yikwavo makulukaji atanu naatatu namyaka yitanu nayivali, kaha asemene vana vamalunga navava vamapwevo.
8Ngoco makumbi aSete osena ahetele mumyaka makulukaji atanu naawana namyaka likumi nayivali, kaha afwile.
9Enoxe ayoyele myaka makumi atanu naawana, numba aseme Kenane.
10Jino omu alingile hanaseme lyehi Kenane, Enoxe ayoyele myaka yikwavo makulukaji atanu naatatu namyaka likumi nayitanu, kaha asemene vana vamalunga navava vamapwevo.
11N goco makumbi aEnoxe osena ahetele mumyaka makulukaji atanu naawana namyaka yitanu, kaha afwile.
12Kenane ayoyele myaka makumi atanu naavali, numba aseme Mahalalele.
13Jino omu alingile hanaseme lyehi Mahalalele, Kenane ayoyele myaka yikwavo makulukaji atanu naatatu namakumi awana, kaha asemene vana vamalunga navava vamapwevo.
14Ngoco makumbi aKenane osena ahetele mumyaka makulukaji atanu naawana namyaka likumi, kaha afwile.
15Mahalalele ayoyele myaka makumi atanu nalimwe namyaka yitanu, numba aseme Yalete.
16Jino omu alingile hanaseme lyehi Yalete, Mahalalele ayoyele myaka yikwavo makulukaji atanu naatatu namakumi atatu, kaha asemene vana vamalunga navava vamapwevo.
17Ngoco makumbi aMahalalele osena ahetele mumyaka makulukaji atanu naatatu namakumi atanu naawana namyaka yitanu, kaha afwile.
18Yalete ayoyele myaka likulukaji namakumi atanu nalimwe namyaka yivali, numba aseme Enoke.
19Jino omu alingile hanaseme lyehi Enoke, Yalete ayoyele myaka yikwavo makulukaji atanu naatatu, kaha asemene vana vamalunga navava vamapwevo.
20Ngoco makumbi aYalete osena ahetele mumyaka makulukaji atanu naawana namakumi atanu nalimwe namyaka yivali, kaha afwile.
21Enoke ayoyele myaka makumi atanu nalimwe namyaka yitanu, numba aseme Metusela.
22Jino omu alingile hanaseme lyehi Metusela, Enoke atambukilenga naKalunga myaka makulukaji atatu, kaha asemene vana vamalunga navava vamapwevo.
23Ngoco makumbi aEnoke osena ahetele mumyaka makulukaji atatu namakumi atanu nalimwe namyaka yitanu.
24Enoke atambukilenga naKalunga, kaha ikiye hipimbi, mwomwo #Hepe. 11.5. Kalunga amutambwile, xikaho.
25Metusela ayoyele myaka likulukaji namakumi atanu naatatu namyaka yitanu nayivali, numba aseme Lameke.
26Jino omu alingile hanaseme lyehi Lameke, Metusela ayoyele myaka yikwavo makulukaji atanu naavali namakumi atanu naatatu namyaka yivali, kaha asemene vana vamalunga navava vamapwevo.
27Ngoco makumbi aMetusela osena ahetele mumyaka makulukaji atanu naawana namakumi atanu nalimwe namyaka yitanu nayiwana, kaha afwile.
28Lameke ayoyele myaka likulukaji namakumi atanu naatatu namyaka yivali, numba aseme mwana walunga.
29Amulukile lijina lyenyi ngwenyi, #5.29:Nge ngwenyi, Kunoka, mokomoko ngwenyi, Kuvendejeka.Nowa, ngwenyi, You vene mwaka-tuvendejeka kumilimo yetu nakuku-kilikita camavoko etu mwomwo hamavu vangwile kuli Yehova.
30Jino omu alingile hanaseme lyehi Nowa, Lameke ayoyele myaka yikwavo makulukaji atanu namakumi atanu naawana namyaka yitanu, kaha asemene vana vamalunga navava vamapwevo.
31Ngoco makumbi aLameke osena ahetele mumyaka makulukaji atanu naavali namakumi atanu naavali namyaka yitanu nayivali, kaha afwile.
32Nowa apwile namyaka makulukaji atanu, kaha Nowa asemene Xeme, naHame, naYafwete.
Kuhuka cavatu
अहिले सेलेक्ट गरिएको:
KUPUTUKA 5: LUE70
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Luvale Bible © Bible Society of Zambia, 1970.