भजनसंग्रह 110
110
दाऊदको स्तुतिगान।
1परमप्रभुले मेरो प्रभुलाई भन्नुभयो,
“जति बेला सम्म म तिम्रा शत्रुहरूलाई तिम्रो अधीनमा पार्दिन,
त्यस बेलासम्म मेरो दाहिनेपट्टि बस्।”
2परमप्रभुले तिम्रो राज्य बढाउनलाई सहयोग गर्नु हुनेछ।
तिम्रो राज्य सियोनमा शुरूहुनेछ,
अनि यो त्यति बेलासम्म बढ्दै जानेछ,
जति बेलासम्म आफ्ना शत्रुहरूलाई आफ्नो शासन गर्नेछौ!
3जब तिमीले आफ्ना सैनिकहरूसँगै भेला गर्नेछौ,
तिम्रो मानिसहरू स्वयंसेवक हुनेछन्।
तिनीहरूले आफ्नो विशेष पोशाकहरू लगाउनेछन्।
अनि विहानै एका-अर्कासित भेट हुनेछ।
ती युवा पुरूषहरू भूईँमा शीत परे जस्तै
तिम्रो वरिपरि हुनेछन्।
4परमप्रभुले प्रतिज्ञा गर्नुभयो
उहाँले आफ्नो मन बद्लि गर्नुहुँदैन।
“तिमी अनन्तको निम्ति
मल्कीसेदेक जस्तै पूजाहारी हौ।”
5मेरो स्वामी तिम्रो दाहिनेपट्टि हुनुहुन्छ।
जब उहाँ क्रोधित हुनुहुन्छ उहाँले अन्य राजाहरूलाई डराउनु हुनेछ।
6परमेश्वरले जाति-जातिहरूलाई न्याय गर्नुहुनेछ।
धर्ती मृत शरीरहरूले ढाकिने छ।
अनि परमेश्वरले शक्तिशाली जातिहरूका नेताहरूलाई दण्ड दिनु हुनेछ।
7राजाले बाटोमा झरनाको पानी पिउनु हुनेछ।
त्यसपछि उहाँले टाउको उठाउनु हुनेछ अनि बलियो#110:7 टाउको … बलियो यहाँ यो कविताको दुइवटा अर्थ लाग्दछ, (1) “उहाँले पानी खाईसकेपछि टाउको उठाउनु हुन्छ,” वा (2) “बलियो” र “महत्वपूर्ण” मानिस हुनुहुनेछ। हुनु हुनेछ।
अहिले सेलेक्ट गरिएको:
भजनसंग्रह 110: NERV
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Nepali Holy Bible: Easy-to-Read Version
All rights reserved.
© 2004 Bible League International