Matthew 6
6
KETH MENBULL, VI.
1MBAYKEH buyah moa ëtrehn, m ma beh peh ko aniah egbirr ëboll, ngha keh moa rë, lo moa nghah la gbo, Papah moa nghono woa rë foy, u boaehn moa packah peh.
2Lo nkah no moneh yin, m ma hung tonkakem u tre ko moa ëboll, kë manleh aniah yamfah tre ngha nghah yeo ko killtë karang ngha oh, ko kambah oh, hallë aniah buleing ngha kah ngha ilillë keleng. Urondong yah no fohm ngha bë rë packah ngha.
3Kereh lo m buyah no moneh, pëah min ngho ma la shee, lanah pëah dekeh moa ngha nghah:
4M buyah soyë, Papah moa wonno keh soyë woa moa packah aniah egbir ëboll.
5Lo moa ramle ah Foy m ma nghah kë manleh aniah yamfah, ngha marr ah hallë sem eh kë kill karang ngha tre oh, kë ubump u kambah tre oh hallë anin ngha keh ngha nkeleng nu ngha ngha kah ilillë keleng. Urondong yah no fohm, ngha bë packah ngha.
6Kereh lo moa ramle kë Foy, nloi kë kunkuh moa, nkanta, fongfoll u tre nu rammle kë Papah moa soyë; Papah moa wonno kyo soyë, woa moa packah aniah egbir ëboll.
7Yeh n rammle ah kë, m ma veal lumtë tre egbir, kë manleh, kafrëë, ngha lamleh Foy ngho ngha tui oh, lo ngha foh egbir gbo.
8M ma nghah kë manleh kafree. Papah moa shëë rë nyërick n tre buleing manah moa yehmah, pechehleh n foh ë lan.
9Lo moa rammle kë Foy nghaleh: Papah kë wonno cheh kë Foy. Ilillë moa yenkeleng:
10Baily moa tre leh moi. Yempy tre pehneh moa yehmah gbo, peh la nghah, ko ko leh kë manleh peh ka nghan kë foy:
11Nkah hë indeh hë ënang:
12Nlap hë nyërick mbang n hë n tre, kë manleh hë lap aniah ko kë, nghana nghah kë mbang:
13M ma hë yuck kë nghehl; kereh nfoke hë ko hink nyërick mbang n tre: moa bë baily tre oh, fossoh tre oh, gbentah tre oh trim o trim. Ameena.
14Lo nlap aniah nghana nghah moa yeh mbang, Papah moa wonno ko kë foy, woa moa pehreh lap:
15Kereh lo nlapahn aniah yempy tre mbang ngha yeo. Foy ngho boaehn moa pehreh lap.
16Lo n dehn ë pall ë, m ma nghah kë manleh aniah yamfah; ngha loolly ahfoll, ngha pinky ahfoll ah ngha, aniah peh ngha keh, ngha chehn dyo, Urondong ah no fohm, ngha bë rë packah ngha.
17Kereh lo n dehn, m baan mbakan bull moa nu tohn tëfoll moa;
18Aniah m ma moa kyo leh n dehn, kereh Papah moa woa moa kyo soyë; woa moa packah kë anin ëboll.
19M ma ko tunkullah nyërick n tre kë upock u to, tutukah tre oh ugback u tre oh ngha shinny dyom, nyërick n tre manaky; aniah dui ah tre ngha loi kill tre nu dui ma:
20Kereh m beh nyërick nkeleng egbir ko kë foy, ëtutukah oh ëgback n tre yeo ngha boaehn shinny kull; aniah dui ah tre ngha boaehn loi hallë dui ko loa kull:
21Ko loa nyërick n tre ngho cheh kull, ugboll moa ko loa kull pehreh.
22Folltë tre ta n taileh kin ahkadirr ah tre hallë dyall ë tre; lo peh folltë tre ta keleng, dyall moa buleing ngho cheh ëkehny.
23Kereh lo mbë folltë bang, dyall moa buleing ngha cheh rtill, mbah. Lo ëkehny tre ngheneh ka loi moa ugbolleh rtill koilah, ngho rtill u tre koi ah!
24No o no mboaehn boy ah papah ah ting: woa sarrah poom tre, woa marrah poom tre; woa choe kë wonneh, nu foh yeh mbang kë mpoom tre. Ngha boaehn boy Foybatukeh oh, mammon oh.
25Mbah yah no fohm, m ma changah sompon hallë woalong ë moa, nghaleh, yeh yempy ah dyo ah? yeh ah kull ah? yempy troyah më ah? woalong ë moa u chandy indeh moa ah? dyall ë moa u chandy nyërick ntroyah moa ah?
26Lehly vaysë tre ko kë foy: ngha chehn sang, ngha chehn rock, ngha chehn sut yin o yin ko funghah; mbah Papah moa ko kë foy woa ngha kah yempy dyo tre. Ngha chehn nkeleng ah chang ah waysë tre yeo?
27Lo moa chang ah trennin hallë, sull, u boaehn nghah muneken ewill kubit bull gbo?
28La wumleh ntrennin hallë nyërick ntroyah nlehly ëpull ë tre ke traal tre nghono ë poldin yeo; ngha pantahn yeo ngha chuckehp yeo:
29Yah no fohm, Solomon kë nyërick nkeleng woa buleing u troyehn kin ëpull ë tre ke traal.
30Lo Foybatukeh ngho troy ëpull ë tre kë traal yenkeleng, nghono ënang ë gbo ka semeh, gbëng pet sut u ko nu pong ko dyomëh; Foybatukeh u boa moa nkah nyërick n troyah peh chang ah ëpui tre; Oh aniah më ngha be laneh toon yeo?
31M ma changah trennin ëgbir, nghaleh, yempeh hë dyo ah? yempeh hë kull ah? loa hë ko sotoh nyërick ntroyah?
32Ahkafrëë ah tre ngha tun nyërick tre manaky, Papah moa ko kë foy u shëë la rë ngha yehmah nyërick n tre manaky.
33M pehnkeh ntun baily Foy tre nu nyërick nkeleng tre manah bë baily Foy; nyërick m poom tre peh moa ma kah.
34M ma trennin hallë gbeng: gbeng ngho trennin hallë wonëken, peh sëëchoe hallë ënang hallë trennin hallë hallë wonëken.
अहिले सेलेक्ट गरिएको:
Matthew 6: BUY1816
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
First published by the Church Missionary Society in 1816.
