Matthew 3
3
KETH NRAH, III.
1TRIM tre John toaknobull u hundy nu fohm kë tofoeh ha Judah.
2Nghaleh ko ko aniah tre m pinkin; upock u Foy tre ntrent ka ë.
3No pokan tre woiky prophet Isaiah ka foh yeo nghaleh, lum tre no bull u trang ko tofoeh, nghaleh m puë, kambah yeome tre, nu n nghah troloang nah ë woa tre.
4John, wonoky u bë ndërick ntroyah ha ëdëring ninckumeh, nu panten tëbang ë tre ko woa utror nu dyo shiloh.
5Jerusalem oh, Judah oh, nu tëgbantama Jordan tre buleing ngha hun ko ko woa,
6Nu John toak bull të ngha ko kë ushalleh peh veal eh Jordan; aniah ngha gbentin nyërick mbang n tre buleing manah ngha ka nghah yeo.
7Kereh yeh u ka kyo ahpharisëë ah tre nu ahsadusee ëgbir ngha hun ko kë toak-bull woa, n nghaleh, Oh uborr, u kirr hinah woa ka fohm no hallë kim kë ushilling u tre, nghono hun yeo?
8Nkum ëgbimang ngho sëëchoe hallë pinkin.
9Ngha ma trennin ko ugboll eh ngha hallë foh; Abram woileh papah hë: yah no fohm, Foy u boarë nghah ahpbmah kë Abram ko kë paytë tre tanaky.
10Awah, birah tre woa bengn kë ëtunk etock u tre; ntock n tre buleing manah kumehn ëgbimang nkeleng peh betteh ngho nu pong ngho kë dyomly tre.
11Yah toak-no-bull kë men hallë nghah no gbëntin: kereh wonno hun më wayling yeo, woarë fossoh chang ah më, ah sëenchoe hallë yuck nkorrkah woa trë, wonoky toaknobull kë pomul u Foy nu dyom.
12U bë rë fungha woa tre kë unë woa nu fungha koleh woa tre nkeleng, nu lickle upëhleh woa tre nu net ko ko fungheh woa; kereh u trim ëgbentëgbëht kë dyomly tre leh boachn nyum.
13Jesus hinkeh ko Galilëë ko kë Jordan ko John nu yehmah John hallë toak woa bull.
14Kereh John yehmah ë lan, u nghaleh, ah yehmah moa rë hallë toak më bull, nhun ka ko më ë?
15Jesus u yoomoh rë, nghaleh, la choe eh hallë kë, hallë nghah dyah tre lanah yenkeleng, John woa la nghah.
16Yeh peh kung toak Jesus bull u kinkeh ko meneh, nlehly, peh ka yëëry foy tre hallë hallë woa, nu Pomul u Foy tre woa tull kë manleh mprum nu ka cheh ko woa atook:
17Nlehly, lum tre hinkeh kë foy, nghaleh, Traa më keleng woiky, wonno ah chang man yeo.
अहिले सेलेक्ट गरिएको:
Matthew 3: BUY1816
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
First published by the Church Missionary Society in 1816.
