GENESIS 5
5
Mbuk Emi Abaŋade Ekpuk Ufɔk Adam
1EMI edi ŋwed emana owo. Ke usen oro Abasi obotde owo, Enye anam owo ke mbiet Abasi; 2Obot mmɔ eren ye ŋwan, onyuŋ ɔdiɔŋ mmɔ, onyuŋ osio mmɔ enyiŋ Adam, ke usen oro enye obotde mmɔ.
3Ekem Adam odu uwem isua ikie ye edip ye duop, ndien obon eyen ke mbiet esiemɔ, etie nte idem esie; onyuŋ osio enye enyiŋ Seth. 4Ndien ke Adam ama okobon Seth, enye odu uwem ke isua ikie itiaita; onyuŋ obon nditɔ-iren ye nditɔ-iban: 5ndien ofuri ini uwem Adam emi enye odude, edi isua ikie usukkiet ye edip ye duop: ndien enye akpa. 6Ndien Seth odu uwem ke isua ikie ye ition ndien obon 7Enos: ndien Seth odu uwem ke ama okobon Enos, isua ikie itiaita ye itiaba, onyuŋ obon nditɔ iren ye nditɔ-iban: 8ndien ofuri ini uwem Seth edi isua ikie usukkiet ye duopeba: ndien enye akpa.
9Ndien Enos odu uwem ke isua anaŋ ye duop, ndien obon 10Cainan: ndien Enos odu uwem, ke ama okobon Cainan, ke isua ikie itiaita ye efut, onyuŋ obon nditɔ-iren ye nditɔ-iban: 11ndien ofuri ini uwem Enos edi isua ikie usukkiet ye ition: ndien enye akpa.
12Ndien Cainan odu uwem ke isua ata ye duop, ndien obon 13Mahalaleel: ndien Cainan odu uwem, ke ama okobon Mahalaleel, ke isua ikie itiaita ye aba, onyuŋ obon nditɔ iren ye nditɔ iban: 14ndien ofuri ini uwem Cainan edi isua ikie usukkiet ye duop, ndien enye akpa.
15Ndien Mahalaleel odu uwem ke isua ata ye ition, ndien obon 16Jared: ndien Mahalaleel odu uwem, ke ama okobon Jared, ke isua ikie itiaita ye edip ye duop, onyuŋ obon nditɔ iren ye nditɔ iban: 17ndien ofuri ini uwem Mahalaleel edi isua ikie itiaita ye anaŋ ye efut ndien enye akpa. 18Ndien Jared odu uwem ke isua ikie ye ata ye iba, ndien obon Enoch: 19ndien Jared odu uwem, ke ama okobon Enoch, ke isua ikie itiaita, onyuŋ obon nditɔ iren ye nditɔ-iban: 20ndien ofuri ini uwem Jared edi isua ikie usukkiet ye ata ye iba: ndien enye akpa.
21Ndien Enoch odu uwem ke isua ata ye ition, ndien obon 22Methuselah: Enoch onyuŋ asaŋa ye Abasi, ke enye ama okobon Methuselah, ke isua ikie ita, onyuŋ obon nditɔ-iren ye nditɔ-iban: 23ndien ofuri ini uwem Enoch edi isua ikie ita ye ata ye ition: 24Enoch onyuŋ asaŋa ye Abasi: ndien iduhe; koro Abasi akadade enye ɔnyɔŋ.
25Ndien Methuselah odu uwem ke isua ikie ye anaŋ ye itiaba, 26ndien obon Lamech; ndien Methuselah odu uwem ke ama okobon Lamech, ke isua ikie itiaba ye anaŋ ye iba, onyuŋ obon 27nditɔ-iren ye nditɔ-iban: ndien ofuri ini uwem Methuselah edi isua ikie usukkiet ye ata ye usukkiet ndien enye akpa.
28Ndien Lamech odu uwem ke isua ikie ye anaŋ ye iba, ndien 29obon eyen eren: onyuŋ osio enye enyiŋ Noah, ete, Emi eyedɔŋ nnyin esit ke utom nnyin ye ukut ubɔk nnyin ke isɔŋ emi Jehovah anamde ete ɔdiɔk. 30Ndien Lamech odu uwem, ke ama okobon Noah, ke isua ikie ition ye anaŋ ye efut, onyuŋ obon nditɔ 31iren ye nditɔ-iban: ndien ofuri ini uwen Lamech edi isua ikie itiaba ye ata ye efureba: ndien enye akpa.
32Ndien Noah osim isua ikie ition: Noah onyuŋ obon Shem, ye Ham, ye Japhet.
अहिले सेलेक्ट गरिएको:
GENESIS 5: ENA
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Efik Old Bible With Sectional Headings © Bible Society of Nigeria, 2013, 2019.