cēnisis 8
8
1kisēmanito māka ki kiskisitotawēw noawa mina tahto kēkway kā pimātaniyik, mina kahkiyaw awakāna kā wiciayāmikoyit nāpikwānihk; ēkosi kisēmanito ki yotinitāw kita pimipayik askihk, ki pāhkopayiwa māka nipiya. 2anihi mokiciwanipēkwa timihk, mina kisik kā ki yāyotēnikātēk ki kipahikātēwa, mina kimiwan kisikohk ohci ki nākānikātēw. 3ēkosi nipiya tahki ki ati pākopayiwa askihk ohci; mina kā ponipayik anihi pēyakwāw mitāhtomitanaw mina niyānanomitanaw kisikāwa ki ati ikastēw, 4ēkosi kihci nāpihkwān ki misaskētin tēpakop ē ati tahto pisimowahk mitataht tēpakoposap ē itakimiht pisim, ārarāt wacihk. 5mina ki ati ikastēwa nipiya piyis isko ē mitāhto pisimowahk; ē mitāhto pisimowahk māka ē oskakocihk pisim ēkospi wanaskwatināhk waciya ki nokwanwa.
6ēkosi ki ihkin kā poni nēmitanaw tahto kisikāk, noa ki yotēnam wāsēnamāwin kihci nāpikwānihk kā ki osihtāt. 7ēkosi sipwētisawēw kāhkākiwa, ēwako māka kākwēkosk ki pimiyāw piyis ē ki pākwaskamikāyik. 8mina omimiwa ki sipwētisawēw kita wāpahtahk kispin nipi kā pākopayikwē askihk. 9māka omimiw ēkā ē miskahk kita tēpi nipawit kita aywēpit ki pē kiwētotāk kihci nāpikwānihk, cikēmā kēyāpic ki ayāw nipi misiwē askihk; ēkosi ki wayawiniskēyiw ē ki otināt, mina ē ki posihāt kihci nāpikwānihk. 10ki pēho māka kēyāpic tēpakop tahto kisikāw; mina māka ki sēpwētisawēw omimiwa kihci nāpikwānihk ohci. 11ki pē kiwētotāk māka omimiwa ē ati otākosiniyik; ēkosi poti ālip nipis ē tahkwatamiyit ē ki manipitamihk; ēkosi māka noa ki kiskēyitam nipi ē ati ikastēyik askihk ohci. 12kēyāpic tēpakop tahto kisikāw ki pēho; ēkosi ki sipwētisawēw omimiwa; ēkosi namawiya wikākāwi ki pē kiwētotāk.
13ki ayikin māka nikotwāswāw mitāhtomitanaw mina pēyak ayiwak ē ati itahto askiwahk, nistam pisim, ē mātakimiht pisim ki ikastēwa nipiya askihk ohci; noa māka ki ikatēnam ē apakwātēk kihci nāpikwān, ē ki itāpit māka ēkosi poti ē pākoskamikipayik. 14ē ati niso pisimowahk nisitanaw tēpakop ayiwāk ē itakimiht pisim ēkospi kā ki pākwaskamikāk.
15ēkosi kisēmanito ki kitotēw noawa ē itwēt, 16kapā kihci nāpikwānihk ohci, kiya mina kiwa mina kikosisak mina kikosisak wiwiwāwa asici kiya. 17pēci kapatēna kā itahto kēkway pimātahk kā wici ayāmikoyan kahkiyaw kā o wiyāsit, māmaw piyēsis mina awakān, mina kahkiyaw kā pimitācimomakahk askihk; kita wēyoci nihtāwikiitocik askihk, mina kita isi miyokiitocik, mina kita mihcēticik askihk. 18ēkosi noa ki kapāw mina okosisa, mina wiwa mina okosisa wiwiyiwa asici wiya. 19kā ihtasit pisiskiw, mina kā papāmitācimot, mina kā ihtasit piyēsis, kahkiyaw kēkway kā papāmitācimomakahk askihk, ē towikāniwicik ki pē kapāwak kihci nāpikwānihk ohci.
20noa māka ki osihtowēw pakitināsowināpisk kā tipēyihcikēyit; ē ki otināt māka tahto ē pēkisiyit ohci pisiskiwa, mina ē tahto pēhkisiyit piyēsisa, ē macostēhamawāt pakitināsowināpiskohk. 21ēkosi kā tipēyihcikēt ki paso ē wihkimākwaniyik: mina kā tipēyihcikēt itwēw otēhihk, namawiya mina wihkāc ni ka macakitēn aski ayisiyiniw ohci; cikēmā ē itēyitahk ayisiyiniw otēhihk ē oskātisit ohci macāyiwaniyiw; namawiya mina pēyakwāw ni ka itaspinatāwak aniki pēmātisicik, anima sāsay kā ki ayitotamān. 22kē isko askiwahk, kistikēwin mana manisikēwin, ē kisināk mina ē kisitēk, ē nipihk mina ē pipohk, ē kisikāk mina ē tipiskāk namawiya kata ponipayiw.
अहिले सेलेक्ट गरिएको:
cēnisis 8: KKMR
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
This Bible text is a transliteration of a corrected edition of the 1908 Western Cree Bible; it is in the public domain.