भजनसंग्रह 9:1-6

हे परमप्रभु! म आफ्‍नै सारा हृदयले तपाईंको प्रशंसा गर्नेछु, तपाईंका सारा उदेकका कामबारे म भन्‍नेछु। तपाईंको कारण म आनन्‍दले गाउनेछु, हे सर्वशक्तिमान् परमेश्‍वर! म तपाईंको प्रशंसाको गीत गाउनेछु। तपाईं देखा पर्नुहुँदा मेरा बैरीहरू भाग्‍दछन्, तिनीहरू भूइँमा लड्छन् र मर्छन्। धर्म र इमानदारीसाथ तपाईंले न्‍याय गर्नुहुन्‍छ, तपाईंले मेरो पक्षमा न्‍याय गर्नुभएको छ। तपाईंले अविश्‍वासीहरूलाई दोषी ठहराउनुभएको छ, तपाईंले दुष्‍टहरूलाई नाश पार्नुभएको छ। अब कसैले तिनीहरूलाई याद गर्दैनन्। सदाको लागि हाम्रा बैरीहरू नाश भएका छन्। तपाईंले तिनीहरूका सहरहरू नाश पार्नुभएको छ, सबैले तिनीहरूलाई पूर्णरूपमा बिर्सिसकेका छन्।