भजनसंग्रह 68:4-10

परमेश्‍वरको स्‍तुति गर, उहाँको नाममा प्रशंसा गाओ, बादलमा सवारी भई आउनुहुनेको निम्‍ति एउटा बाटो तयार गर। उहाँको नाम परमप्रभु हो, उहाँको उपस्‍थितिमा आनन्‍दित होओ। परमेश्‍वरले आफ्‍नो पवित्र मन्‍दिरमा बास गर्नुहुने टुहुरा-टुहुरीको वास्‍ता गर्नुहुन्‍छ र विधवाहरूको रक्षा गर्नुहुन्‍छ। उहाँले एक्‍लो मानिसलाई बस्‍ने घर दिनुहुन्‍छ र कैदीहरूलाई छुटकारा दिएर आनन्‍द दिनुहुन्‍छ। तर विद्रोहीहरू उजाड ठाउँमा बास गर्नुपर्नेछ। हे परमेश्‍वर! जब तपाईंले आफ्‍ना प्रजालाई डोर्‍याउनुभयो, जब तपाईंले मरुभूमि पार गर्नुभयो, तब पृथ्‍वीमा भूइँचालो गयो र आकाशबाट बृष्‍टि भयो किनभने सीनैका परमेश्‍वर, इस्राएलका परमेश्‍वर आउनुभएको थियो। तपाईंले प्रशस्‍त बृष्‍टि दिनुभएर रूखो जमिन मलिलो पार्नुभयो। तपाईंका प्रजाले त्‍यहाँ आफ्‍ना घर बनाए र आफ्‍नो करुणाले तपाईंले दरिद्रहरूलाई सबै कुरा जुटाइदिनुभयो।