भजनसंग्रह 67
67
धन्यवादको भजन
1हे परमेश्वर! हामीलाई दया गर्नुहोस् र आशिष् दिनुहोस्।
हामीमाथि दयाको दृष्टिले हेर्नुहोस्।
2तब सारा संसारले तपाईंको इच्छा जान्नेछ
र सबै जातिहरूले तपाईंको उद्धार थाहा पाउनेछन्।
3हे परमेश्वर! जाति-जातिका मानिसहरूले तपाईंको प्रशंसा गरून्।
सबै जाति-जातिका मानिसहरूले तपाईंको प्रशंसा गरून्!
4जाति-जातिहरू प्रसन्न होऊन् र आनन्दले गाऊन्
किनभने तपाईंले न्यायसँग तिनीहरूको विचार गर्नुहुन्छ
र पृथ्वीका हरेक जातिलाई अगुवाइ गर्नुहुन्छ।
5हे परमेश्वर! जाति-जातिका मानिसहरूले तपाईंको प्रशंसा गरून्।
सबै जाति-जातिका मानिसहरूले तपाईंको प्रशंसा गरून्!
6परमेश्वरले, हाम्रा परमेश्वरले हामीलाई आशिष् दिनुभएको छ
र जमिनले आफ्नो फसल उब्जाएको छ।
7परमेश्वरले हामीलाई आशिष् दिनुभएको छ,
सबै ठाउँमा सबै मानिसहरूले उहाँलाई आदर गरून्।
अहिले सेलेक्ट गरिएको:
भजनसंग्रह 67: सरल नेपाली
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Simple Nepali Holy Bible © Nepal Bible Society, 2008.