भजनसंग्रह 54
54
शत्रुबाट रक्षाको निम्ति प्रार्थना
1हे परमेश्वर! आफ्ना सामर्थ्यले मलाई बचाउनुहोस्!
आफ्नो शक्तिले मलाई छुटकारा दिनुहोस्।
2हे परमेश्वर! मेरो प्रार्थना सुन्नुहोस्।
मेरो आवाज सुन्नुहोस्।
3अहङ्कारी मानिसहरू मलाई आक्रमण गर्न आउँछन्,
निष्ठुर मानिसहरूले मलाई मार्ने चेष्टा गर्दैछन्,
यी मानिसहरू परमेश्वरबारे केही वास्ता गर्दैनन्।
4तर परमेश्वर मेरो सहायक हुनुहुन्छ।
परमप्रभु मेरो रक्षक हुनुहुन्छ।
5परमेश्वरले मेरा शत्रुहरूलाई दण्ड दिन तिनीहरूकै दुष्टता प्रयोग गरून्।
उहाँले तिनीहरूलाई नाश गर्नुहुनेछ किनभने उहाँ विश्वासयोग्य हुनुहुन्छ।
6हे परमप्रभु! म खुसीसित तपाईंलाई बलिदान चढाउनेछु,
म तपाईंलाई धन्यवाद दिनेछु
किनभने तपाईं भलो हुनुहुन्छ।
7मेरा सबै सङ्कष्टहरूदेखि तपाईंले मेरो उद्धार गर्नुभएको छ
र मैले आफ्ना शत्रुहरू हारेका देखेको छु।
अहिले सेलेक्ट गरिएको:
भजनसंग्रह 54: सरल नेपाली
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Simple Nepali Holy Bible © Nepal Bible Society, 2008.