भजनसंग्रह 21:8-13

राजाले आफ्‍ना सबै शत्रुहरूलाई कैद गर्नेछन्, आफूलाई घृणा गर्ने सबैलाई उनले कैद गर्नेछन्। उनी देखा पर्दा दन्‍केको आगाले झैँ उनले तिनीहरूलाई नाश गर्नेछन्। आफ्‍नो रिसमा परमप्रभुले तिनीहरूलाई स्‍वाहा पार्नुहुनेछ र आगोले तिनीहरूलाई भस्‍म पार्नेछ। तिनीहरूका साखा-सन्‍तान कोही पनि बाँच्‍नेछैन, राजाले तिनीहरू सबैलाई मार्नेछन्। तिनीहरूले आफ्‍ना युक्ति निकाल्‍छन् र उनको विरुद्धमा जाल रच्‍छन्, तर तिनीहरू सफल हुनेछैनन्। उहाँले तिनीहरूलाई काँडले हान्‍नुहुनेछ र तिनीहरू फर्केर भागिजानेछन्। हे परमप्रभु! तपाईंको महान् सामर्थ्‍यको लागि हामी तपाईंको प्रशंसा गर्छौं! हामी तपाईंको शक्तिको प्रशंसा गर्दै गीत गाउँछौं।