भजनसंग्रह 145:8-13

परमप्रभु प्रेमी र कृपालु हुनुहुन्‍छ, रिस गर्नमा ढीलो र अनन्‍त प्रेमले परिपूर्ण। उहाँले सबैलाई भलो गर्नुहुन्‍छ र आफूले बनाउनुभएका सबैमाथि दया देखाउनुहुन्‍छ। परमप्रभु! तपाईंका सारा सृष्‍टिले तपाईंको प्रशंसा गर्नेछन् र तपाईंका सबै प्रजाले तपाईंलाई धन्‍यवाद चढाउनेछन्। तपाईंको राज्‍य-शक्तिको महिमाबारे तिनीहरूले भन्‍नेछन् र तपाईंको सामर्थ्‍यको बयान गर्नेछन्। सबैले तपाईंका सामर्थी कामहरू र तपाईंको राज्‍यका महिमापूर्ण राजकीय गौरवबारे जान्‍नेछन्, तपाईंको राज्‍यको अन्‍त छैन र तपाईं सदासर्वदाको लागि राजा हुनुहुन्‍छ।