भजनसंग्रह 130
130
सहायताको लागि प्रार्थना
1दु:ख-पीडाको गहिराइबाट
म तपाईंलाई पुकार्दछु, हे परमप्रभु!
2मेरो पुकार सुन्नुहोस्, हे प्रभु!
सहायताको लागि मेरो पुकार सुन्नुहोस्!
3यदि तपाईंले हाम्रा पापहरूको लेखा राख्नुभएको हुँदो हो ता
दोषी नठहरी को उम्कन सक्दथ्यो र?
4तर तपाईंले हामीलाई क्षमा दिनुहुन्छ,
यसर्थ हामी भय र भक्तिसाथ तपाईंको सामु खडा रहन सक्छौं।
5म उत्सुकतापूर्वक परमप्रभुको सहायताको बाटो हेर्दछु
र उहाँको वचनमा भरोसा राख्दछु
6पहरेदारहरूले बिहानको बाटो हेरेझैँ
अँ, त्यसले बिहानको बाटो हेरेको भन्दा पनि बढी
म परमप्रभुको बाटो हेर्छु।
7हे इस्राएल, परमप्रभुमा भरोसा राख
किनभने उहाँको प्रेम अटल छ
र उहाँ बचाउनलाई सधैँ तयार हुनुहुन्छ।
8 #
मत्ती 1:21; तीतस 2:14 उहाँले आफ्ना इस्राएली जनहरूलाई
तिनीहरूका सबै पापबाट उद्धार गर्नुहुनेछ।
अहिले सेलेक्ट गरिएको:
भजनसंग्रह 130: सरल नेपाली
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Simple Nepali Holy Bible © Nepal Bible Society, 2008.