नहूम 1:3-7

परमप्रभु छिट्टै रिसाउनुहुन्‍न, तर उहाँ शक्तिशाली हुनुहुन्‍छ र अपराधीहरूलाई दण्‍ड नदिई छोड्‍नुहुन्‍न। परमप्रभु हिँड्‍ने बाटोमा आँधी चल्‍दछ, बादलहरूचाहिँ उहाँको खुट्टाले उडाएको धुला हुन्! उहाँले आज्ञा दिनुहुँदा समुद्र सुकिजाँदछ, उहाँले नदीहरू सुकाइदिनुहुँदछ। बाशानका मैदानहरू ओइलिजाँदछन्, कर्मेल डाँडा सुकेर पहेंलो हुँदछ र लेबनानका फूलहरू ओइलिजान्‍छन्। परमप्रभुको अघि पर्वतहरू काँप्‍दछन्, उहाँको अघि डाँडाहरू पग्‍लन्‍छन्। परमप्रभु देखा पर्नुहुँदा पृथ्‍वीमा भूइँचालो जान्‍छ, संसार र त्‍यहाँका सबै मानिसहरू थरथरी हुँदछन्, उहाँ रिसाउनुहुँदा को बाँच्‍न सक्‍छ र? उहाँको डरलाग्‍दो रिसअघि को टिक्‍न सक्‍छ? उहाँले आफ्‍नो बल्‍दो रिस खन्‍याउनुहुन्‍छ, उहाँको सामुन्‍ने चट्टानहरू चकनाचुर हुन्‍छन्। परमप्रभु भलो हुनुहुन्‍छ, कष्‍टको समयमा उहाँ आश्रय हुनुहुन्‍छ, उहाँमा शरण लिनेहरूको उहाँले वास्‍ता गर्नुहुन्‍छ।