मत्ती 5:17-20

“मोशाले दिएको व्यवस्था र अगमवक्ताहरूले भनेका कुरा रद्द गर्न म आएको हुँ भन्‍ने नसम्‍झ। म रद्द गर्न होइनँ, तर पूरा गर्न आएको हुँ। साँच्‍चै म तिमीहरूलाई भन्‍छु, आकाश र पृथ्‍वी बितेर नगएसम्‍म परमेश्‍वरको व्यवस्थाको सानोभन्दा सानो कुरा पनि पूरा नभई छोड्‍नेछैन। व्यवस्थाको सानोभन्दा सानो कुरालाई मिच्‍ने र मिच्‍न सिकाउने मानिस परमेश्‍वरको राज्‍यमा सबैभन्दा सानो ठहरिनेछ। तर व्यवस्था आफू पनि मान्‍ने र अरूलाई पनि मान्‍न लगाउनेचाहिँ परमेश्‍वरको राज्‍यमा ठूलो ठहरिनेछ। यसैकारण म तिमीहरूलाई भन्‍छु, व्यवस्थाका आज्ञाहरूलाई धर्म-गुरु र फरिसीहरूले भन्दा राम्ररी पालन गरेनौ भने तिमीहरू परमेश्‍वरको राज्‍यमा पस्‍न पाउनेछैनौ।