मत्ती 12:39-41

येशूले भन्‍नुभयो, “अहो, हिजो-आजका मानिसहरू कति दुष्‍ट र व्‍यभिचारी छन्! यिनीहरू शक्तिशाली चिन्‍ह हेर्न खोज्‍छन्। तर अगमवक्ता योनाको चिन्‍हबाहेक यिनीहरूले अरू कुनै पनि चिन्‍ह देख्‍न पाउनेछैनन् किनभने जसरी योनाले ठूलो माछाको पेटभित्रै तीन दिन र तीन रात बिताए, त्‍यसरी नै मानव पुत्रले पनि तीन दिन र तीन रात माटोमुनि बिताउनेछ। न्‍यायको दिनमा निनवे सहरका मानिसहरूले उभिएर हिजो-आजका मानिसहरूलाई दोष लगाउनेछन् किनभने योनाले परमेश्‍वरको शिक्षा प्रचार गर्दा तिनीहरूले आ-आफ्‍नो पापबाट पश्‍चात्ताप गरे। तर हेर, योनाभन्दा पनि ठूलो यहाँ कोही छ।