लूका 7:40-43

त्‍यतिखेर येशूले ती फरिसीलाई भन्‍नुभयो, “सिमोन, मैले तिमीलाई केही कुरा भन्‍नुपर्छ।” तिनले भने, “आज्ञा होस्, गुरुज्‍यू!” सुन, “कुनै मानिसका दुई जना असामी थिए। एउटाले पाँच सय चाँदीको सिक्‍का अनि अर्कोले पचास चाँदीको सिक्‍का लिएका थिए। तिनीहरू कसैले पनि ऋण तिर्न नसकेकाले साहूले दुवैलाई ऋण माफ गरिदिए। अब भन त, कुनचाहिँले साहूलाई बढ्ता माया गर्ला?” सिमोनले भने, “मेरो विचारमा बढ्ता माफ पाउनेले।” येशूले भन्‍नुभयो, “तिमीले ठीक भन्‍यौ।”