लूका 6:12-16

एक दिन येशू डाँडामा गएर रातभरि परमेश्‍वरसँग प्रार्थना गर्नुभयो। बिहान भएपछि उहाँले चेलाहरूलाई बोलाउनुभयो र तिनीहरूमध्‍ये बाह्र जनालाई छान्‍नुभयो अनि तिनीहरूलाई प्रेरित भन्‍ने उपनाम दिनुभयो। यसरी छानिएका बाह्र जना यिनै हुन्– सिमोन, जसलाई येशूले पत्रुस नाउँ पनि राखिदिनुभयो, सिमोनका भाइ अन्‍द्रियास, याकूब, यूहन्‍ना, फिलिप, बारथोलोमाइ, मत्ती, थोमा, अल्‍फयसका छोरा याकूब, देशभक्त भनिने सिमोन र याकूबका छोरा यहूदा अनि यहूदा इस्‍करियोत, जसले पछिबाट धोखाबाजी गर्‍यो।