लूका 22:24-27

त्‍यसपछि चेलाहरूमा को ठूलो भन्‍ने हानाथाप हुन थाल्‍यो। येशूले तिनीहरूलाई भन्‍नुभयो, “संसारका राजाहरूले चाहिँ आफ्‍ना प्रजामाथि राज्‍य गर्छन् र अधिकार चलाउनेहरूले आफूलाई उपकारी भन्‍न लगाउँछन्। तर तिमीहरूमा चाहिँ त्‍यस्‍तो हुनुहुँदैन। तिमीहरूमध्‍ये सबैभन्दा ठूलो हुन चाहनेचाहिँ सबैभन्दा सानो हुनुपर्छ र अगुवा हुन चाहनेचाहिँ नोकरजस्‍तै हुनुपर्छ। खान बस्‍ने मालिक र खान दिने नोकरमा कुनचाहिँ ठूलो हो? मालिक होइन र? तर हेर, म त तिमीहरूको बीचमा खाना दिने नोकरजस्‍तै भएको छु।