याकूब 2:1-4

तिमीहरू सम्‍मान्‌ले भरिएको प्रभु हाम्रा येशू ख्रीष्‍टलाई विश्‍वास गर्नेहरू भएका हुनाले तिमीहरूले बाहिरी रूप हेरेर कसैको पनि पक्षपात नगर। तिमीहरू भेला भएका ठाउँमा राम्रा-राम्रा लुगा र सुनका औँठी लाउने धनी मान्‍छे अनि अर्को थोत्रो भोटो, थाङ्नो लुगा लगाएको झुम्रे-झाम्रे गरीब मान्‍छे पनि आउलान्। त्‍यस बेला तिमीहरूले राम्रा-राम्रा लुगा लगाउने धनी मान्‍छेलाई आदर गर्दै भनौला, “पाल्‍नुहोस्, यहाँ राज होस्” तर गरीबलाई चाहिँ “त्‍यतै उभिराख वा त्‍यहीं भूइँमा मेरो गोडानेर बस,” भनौला। त्‍यसो गर्‍यौ भने तिमीहरूलाई आफ्‍नै बीचमा भेदभाव र कुविचार गरेको दोष लाग्‍नेछ।