व्‍यवस्‍था 33:26-29

हे इस्राएलका जन हो! तिमीहरूका परमेश्‍वरजस्‍ता अरू कुनै देवता छैनन्। उहाँ पराक्रमी शोभामा आकाशका बीचबाट भएर जानुहुन्‍छ, उहाँ बादलमा सवार भई तिम्रो मद्दत गर्नलाई आउनुहुन्‍छ। परमेश्‍वरले सदा तिम्रो बचाउ गर्नुभएको छ, उहाँका अनन्‍त बाहुली तिम्रा सहारा हुन्। तिमीहरू अघि बढ्दा उहाँले तिम्रा शत्रुहरूलाई धपाउनुभयो, र ती सबैलाई नाश गर्नू भनी तिमीलाई भन्‍नुभयो। यसकारण याकूबका सन्‍तानहरू शान्‍तिमा, अन्‍न र मद्यले पूर्ण देशमा, आकाशका शीतले भिजेको जमिनमा सुरक्षासाथ बस्‍दछन्। हे इस्राएल! तँ कति खुसी छस्! तँजस्‍तो अरू कुनै जाति छैन, जुन जातिलाई परमप्रभुले बचाउनुभएको छ। परमप्रभु आफैं तेरो रक्षा गर्न र तँलाई विजय दिनको लागि तेरा ढाल र तरवार हुनुहुन्‍छ। तेरा शत्रुहरू दयाको लागि भिक्षा माग्‍दै आउनेछन् र तैँले तिनीहरूलाई कुल्‍चनेछस्।