प्रेरित 9:1-5

त्‍यति बेलासम्‍म पनि शाऊल प्रभु येशूका चेलाहरूलाई मार्ने धम्‍की दिँदै हिँडिरहेका थिए। तिनले प्रधान पूजाहारीकहाँ गएर “दमस्‍कसको सभाघरका शासकहरूलाई मेरो परिचय दिँदै पत्र लेखिदिनुहोस्,” भनेर अनुरोध गरे। “दमस्‍कस गएर त्‍यो मुक्ति पाइन्‍छ भन्‍ने बाटोमा लागेका पुरुष र स्‍त्रीसमेत सबैलाई खोजी-खोजी पक्रेर यरूशलेममा ल्‍याउन पाऊँ,” भनी तिनले अधिकार मागे। शाऊल दमस्‍कस सहर जाँदै थिए। जाँदाजाँदै सहरको नजिकै पुग्‍दा एक्‍कासि आकाशबाट चहकिलो उज्‍यालो उनको वरिपरि चम्‍क्‍यो। शाऊल भूइँमा पछारिए र अचानक उनले यस्‍तो आवाज सुने, “शाऊल, ए शाऊल, तिमी मलाई किन सताउँछौ?” शाऊलले सोधे, “हे प्रभु, तपाईं को हुनुहुन्‍छ?” “म येशू हुँ, जसलाई तिमी सताउँदै छौ।