२ कोरिन्थी 4:7-10

यस्‍तो बहुमूल्य धन हामीजस्‍तो माटाको भाँडामा राखिएको कारणचाहिँ सबै शक्ति सर्वोच्‍च परमेश्‍वरकै हातमा छ भनी देखाउन हो, हामीसँग कुनै शक्ति छैन। हामी घरीघरी चारैतिरबाट थिचो-मिचोमा पर्छौं, तर पनि धुलो-पिठो त भएका छैनौं। अन्‍योलमा परे पनि निराशचाहिँ भएका छैनौं। हामीलाई धेरै सताएको भए पनि हामी त्‍यागिएका छैनौं। हामीले बेसरी चुटाइ खाएर ढले पनि मरेका त छैनौं। येशूको जीवन हाम्रा शरीरमा चम्‍काउन येशूको मृत्‍यु सधैँ हाम्रै शरीरमा बोक्‍छौं।