१ शमूएल 30:16-20

र त्‍यसले दाऊदलाई तिनीहरूकहाँ पुर्‍यायो। छापामारहरू जहीँतहीँ छरिएर चारैतिर खाँदै-पिउँदै र उत्‍सव मनाउँदै थिए किनभने तिनीहरूले धेरै धन-सम्‍पत्ति पलिश्‍त र यहूदाबाट लुटेका थिए। भोलिपल्‍ट मिरमिरे उज्‍यालो हुँदा दाऊदले तिनीहरूलाई आक्रमण गरे र बेलुकासम्‍म लडाइँ गरिरहे। ऊँटमा चढी भागिजाने चार सय जना केटाहरूबाहेक अरू कोही पनि भाग्‍न पाएनन्। दाऊदले आफ्‍ना दुई स्‍वास्‍नीहरूसहित अमालेकीहरूले लगेका सबैलाई र वस्‍तुहरूको उद्धार गरे। कुनै कुरा छोडिएन। दाऊदले आफ्‍ना सबै मानिसहरू, छोरा-छोरी र अमालेकीहरूले लुटिलगेका सबै सर-सामान फर्काए। तिनले सबै भेडा-बाख्रा र गाई-गोरुका बथानहरू फर्काए र तिनका मानिसहरूले ती गाई-वस्‍तुहरू अघि लाएर यसो भन्‍दै लगे, “यी दाऊदका हुन्!”