१ शमूएल 17:20-23

दाऊद भोलिपल्‍ट बिहानै उठे, अर्को मानिसलाई भेडाको हेरचाहा गर्न राखे, खाना बोकेर यिशैले भनेझैँ बिदा भए। इस्राएलीहरू छाउनीबाट निस्‍केर युद्धको ध्‍वनि बजाउँदै लडाइँको मैदानमा जाँदैगरेका बेलामा तिनी छाउनीमा पुगे। पलिश्‍ती र इस्राएली सेनाहरू आमुन्‍ने-सामुन्‍ने खडा भएर लड्‍न आ-आफ्‍ना ठाउँमा उभिए। सेनाका सामानहरूका जिम्‍मावाललाई खानेकुराहरू दिएर दाऊद दगुरेर लडाइँको मैदानमा पङ्क्ति बाँधेका ठाउँमा आफ्‍ना दाजुहरूकहाँ गए र तिनीहरूसित भलाकुसारी सोधे। तिनले दाजुहरूसित कुरा गर्दैगर्दा गोल्यतले अघि आई सधैँझैँ इस्राएलीहरूलाई चुनौती दिन थाल्‍यो र त्‍यो दाऊदले सुने।