१ राजा 11:1-4

सोलोमनले धेरै विदेशी स्‍त्रीहरूसित प्रेम गरे। मिश्रका राजाकी छोरीबाहेक उनले हित्ती, मोआबी, अम्‍मोनी, एदोमी र सीदोनी स्‍त्रीहरूलाई विवाह गरे। ती जातिका स्‍त्रीहरूले इस्राएलीहरूलाई अन्‍य देवताहरू पुज्‍न लाउनेछन्। यसकारण तिनीहरूसित आपसमा विहाबारी नगर्नू भनी परमप्रभुले इस्राएलीहरूलाई आज्ञा गर्नुभएको थियो तापनि सोलोमनले ती स्‍त्रीहरूलाई विवाह गरे। सोलोमनले सात सय राजकुमारीहरूलाई विवाह गरे। तीबाहेक उनले तीन सय रखौटीहरू पनि राखेका थिए। ती स्‍त्रीहरूले उनलाई परमेश्‍वरबाट टाढा हुन लाए र उनी बुढो होउन्‍जेलसम्‍ममा उनलाई विदेशी देवताहरू पुज्‍ने बनाइसकेका थिए। उनी आफ्‍ना पिता दाऊदजस्‍ता परमप्रभु आफ्‍ना परमेश्‍वरप्रति विश्‍वासयोग्‍य रहेनन्।