१ कोरिन्थी 3:7-11

बिरुवा लाउने र पानी हाल्‍ने ठूलो होइन, तर बढाउने पो ठूलो हो। रोप्‍ने र पानी हाल्‍नेमा केही फरक छैन। परमेश्‍वरले सबैलाई आ-आफ्‍नो मेहनतअनुसार इनाम दिनुहुनेछ। हामीचाहिँ सबै काम गर्ने परमेश्‍वरका खेताला हौं अनि परमेश्‍वरको खेत तिमीहरू नै हौ। तिमीहरू परमेश्‍वरले बनाउनुहुने घर हौ। परमेश्‍वरको अनुग्रहले गर्दा मैले सिपालु मूल कर्मीले झैँ जग हाल्‍न पाएँ, अनि अरूले चाहिँ यसमाथि घर बनाउँदछन्। घर बनाउने हरेकले कसरी बनाउनुपर्ने हो, राम्ररी होश राख्‍नुपर्छ किनभने परमेश्‍वरले हाल्‍नुभएको एउटै जग येशू ख्रीष्‍ट नै हुनुहुन्‍छ। कसैले अरू कुनै जग हाल्‍न सक्‍तैन।