John 5

Ngeraika Orang Ba Letung

1Udah bekau nya, Jesus mupuk ngagai siti agi gawai orang Judah#5.1 gawai orang Judah; Gawai Belangkau, tauka Gawai Paska di Jerusalem. 2#Neh 3.1; 12.39. Nyadi di Jerusalem, ba semak Pintu Bedus, bisi siti letung ti dikumbai Betsata,#5.2 Sekeda salin: Betesda ti bisi lima buah serambi. 3Mayuh amat orang ke sakit, ke buta, ke lemi, enggau ke sakit bajung gali dalam serambi nya. 4Sida nganti ai ba letung nya beriak, laban lebuh melikat Tuhan nurun ngagai letung nya, ai dia beriak. Orang ke sakit, ke dulu nurun ngagai letung nya lebuh ai nya beriak, digeraika ari sebarang penyakit iya. 5Nyadi ba endur nya bisi siku orang ke udah sakit tiga puluh lapan taun. 6Lebuh Jesus meda iya, lalu nemu iya endang lama udah gali dia, Iya lalu bejaku ngagai orang nya, “Kati nuan ingin digeraika?”

7Ku orang ke sakit nya nyaut Iya, “Tuan, aku nadai orang ngulurka aku ngagai letung nya, lebuh ai nya beriak. Lebuh aku benung nguji nurun, orang bukai ga dulu agi nurun ari aku.”

8 # Mrk 2.11; Mat 9.6; Luk 5.24. Jesus lalu bejaku ngagai iya, “Angkat nuan. Bai tikai nuan, lalu bejalai.” 9Tekala nya orang nya lalu gerai. Iya ngambi tikai iya, lalu bejalai.

Utai tu nyadi lebuh hari Sabat. 10#Neh 13.19; Jer 17.21; Jhn 7.23; 9.16; Mrk 2.24. Nya alai bala tuai orang Judah lalu bejaku ngagai orang ke udah digeraika nya, “Tu hari Sabat. Nuan ngelanggar Adat ngesan tikai nuan.”

11Tang ku orang nya nyaut sida, “Orang ke ngeraika aku bejaku ngagai aku, ngasuh aku ngambi tikai aku, lalu bejalai.’ ”

12Sida lalu nanya iya, “Sapa orang nya ke ngasuh nuan ngambi tikai nuan, lalu ngasuh nuan bejalai?”

13Nyadi orang ke udah digeraika nya enda nemu sapa orang nya, laban Jesus udah melesitka Diri ngagai tekang bala mayuh dia.

14 # Mrk 2.5. Udah nya Jesus betemu enggau orang nya dalam Rumah Sembiang, lalu bejaku ngagai iya, “Nuan diatu udah gerai. Anang agi bedosa, enggai ke utai ti jai agi ari nya nyadi ba nuan.”

15Orang nya mupuk lalu madah ngagai bala tuai orang Judah, Jesus nya meh orang ke udah ngeraika iya. 16Nya alai orang Judah belabuh ngenusahka Jesus, laban Iya ngereja utai nya lebuh hari Sabat. 17#P-kal 2.3. Tang ku Jesus nyaut sida, “Apai Aku seruran gawa. Lalu Aku Empu mega gawa.”

18 # Jhn 7.1; 10.33; [2] P-dlm 2.16. Ketegal nya orang Judah bebendar agi deka munuh Iya, laban Iya ukai semina ngelanggar adat hari Sabat, tang mega ngumbai Allah Taala Apai Iya, lalu ari nya ngaga Diri sebaka enggau Allah Taala.

Kuasa Anak

19 # Jhn 5.30; 8.28; 14.10. Ku Jesus bejaku ngagai sida, “Enggau bendar Aku madah ngagai kita, Anak enda ulih ngereja utai ngatika Diri, tang semina utai ti dipeda Iya kereja Apai, laban sebarang utai dikereja Apai nya mega dikereja Anak. 20#Jhn 14.12. Apai rinduka Anak, lalu ngayanka ngagai Anak semua utai ti dikereja Iya. Lalu Iya deka ngereja pengawa ti besai agi ari nya, ngambika kita alit ati. 21#Rom 4.17; 8.11; Jhn 11.25. Baka Apai ke ngangkatka orang ari mati, lalu meri sida pengidup, baka nya mega Anak meri pengidup ngagai sebarang orang ke dikedekaka Iya. 22Apai enda ngakim orang, tang udah meri semua kuasa ngakim ngagai Anak, 23#Luk 10.16; 1 Jhn 2.23. ngambika semua orang ngemesaika Anak, baka sida ke ngemesaika Apai. Barang sapa enda ngemesaika Anak, enda ngemesaika Apai ke ngirumka Iya.

24 # Jhn 3.18. “Enggau bendar Aku madah ngagai kita, orang ke ninga jaku Aku lalu arapka Iya ti udah ngirumka Aku, bulih pengidup ti meruan belama iya, lalu enda diakim, tang udah meraka ari pemati ngagai pengidup. 25#Jhn 4.21; 16.2, 32. Enggau bendar Aku madah ngagai kita, maya deka datai, lalu endang udah datai diatu, alai orang ke mati deka ninga nyawa Anak Allah Taala, lalu orang ke ninga nyawa nya deka idup. 26Laban baka Apai ke pun pengidup, baka nya mega Iya udah ngeletak Anak nyadika pun pengidup, 27lalu udah meri Iya kuasa ngakim, laban Iya Anak Mensia. 28Anang tekenyit ati ketegal utai tu, laban maya deka datai alai semua orang ke udah mati deka ninga nyawa Iya, 29#Dan 12.2; SKR 24.15; Jhn 11.24; Mat 25.46; 1 Kor 15.52. lalu deka pansut ari kubur: orang ke udah ngereja utai ti badas, diangkatka idup baru ngagai pengidup, lalu orang ke udah ngereja penyai, diangkatka idup baru lalu diukum.

Besaksika Jesus

30 # Jhn 5.19; 8.16; 6.38. “Aku enda ulih ngereja utai ngatika Diri. Aku semina ngakim nitihka asuh Allah Taala, lalu pemutus penemu Aku lurus, laban Aku ukai ngereja utai nitihka peneka Aku Empu, tang nitihka peneka Iya ke ngirumka Aku.

31 # Jhn 8.14-18. “Enti Aku besaksika pasal Diri Empu, saksi Aku ukai saksi ti bendar. 32Bisi siku orang ke besaksika Aku, lalu Aku nemu, saksi iya pasal Aku endang amat. 33#Jhn 1.19-27; 3.27-30; 1 Jhn 5.9. Kita ngirumka seruan ngagai John, lalu iya madahka utai ti bendar. 34#1 Jhn 5.9. Ukai reti nya Aku begunaka saksi mensia, tang Aku nyebut utai tu ngambika kita diselamatka. 35#[2] Sir 48.1. John nya lampu ti menyadi lalu manchar, lalu kita gaga ati enda lama ngasaika penampak iya. 36#Jhn 10.25; 14.11; 15.24; Mat 11.4. Tang saksi Aku besai agi ari saksi John. Pengawa ti udah diasuh Apai tembuka Aku, iya nya pengawa ti dikereja Aku diatu, besaksi ngarika Aku nunjukka Apai udah ngirumka Aku. 37#Mat 3.17; Mrk 1.11; Luk 3.22. Lalu Apai, ke ngirumka Aku, udah mega besaksika pasal Aku. Kita nadai udah kala ninga nyawa Iya tauka meda Iya, 38lalu jaku Iya nadai dalam kita, laban kita enda arapka Iya ke dikirumka Apai. 39#Luk 24.27; SKR 13.27; [2] Bar 4.1. Kita mansik Bup Kudus, laban kita ngumbai diri ulih tetemuka pengidup ti meruan belama iya dalam Bup Kudus. Bup Kudus nya ti besaksika pasal Aku! 40Tang kita enggai datai ngagai Aku lalu bulih pengidup.

41Aku ukai minta Diri dipuji mensia. 42Tang Aku nemu kita nadai pengerindu Allah Taala dalam kita. 43#Mat 24.5. Aku udah datai dalam nama Apai Aku, lalu kita enda nerima Aku. Tang enti orang datai dalam nama iya empu, kita nerima iya. 44Baka ni ku kita ulih arap, enti kita minta puji pangan diri, lalu enda minta puji ari Allah Taala siku aja? 45#Jhn 9.28; Rom 2.17. Anang ngumbai Aku deka bedawaka kita di mua Apai. Orang ke deka bedawaka kita nya Moses, ke alai kita manggaika pengadang kita. 46Enti kita arapka Moses, kita tentu nemu arapka Aku, laban iya nuliska pasal Aku. 47#Luk 16.29, 31. Tang enti kita enda arapka utai ti ditulis iya, baka ni ku kita ulih arapka jaku Aku?”

अहिले सेलेक्ट गरिएको:

John 5: BK

हाइलाइट

शेयर गर्नुहोस्

कपी गर्नुहोस्