Yoane 4
4
Yesu luta mu Samalia: yandi solula na nkento ya Samalia
1Bu Mfumu zabaka, na bafalisi kuwaka, Yesu luta Yoane na kitula ye botika banlonguki,
2—kansi Yesu kibeni, kubotikaka ve, kansi banlonguki ya yandi—
3buna yandi katuka mu Yuda, yandi kwendaka ku Ngalili.
4Yandi fwiti kuluta kaka mu Samalia.
5Mpilayai yandi kwizaka ku mbanza ya Samalia, ya bingwa Sikali, mfinama ye dilanga ya Yakobi pesaka kwa mwana ya yandi Yosefi. 1 Mose 48:22
6Kuna vandaka nto ya masa ya Yakobi. Yesu lembwaka kutambula, yandi vandaka mfinama ku nto ya masa, yo vandaka lokula kumi ye zole.
7Nkento ya Samalia kwizaka kubaka masa. Yesu tubaka kwa yandi: Pesa mono ya kunwa.
8Kadi banlonguki ya yandi imene kwenda ku mbanza kusumba madia.
9Buna nkento ya Samalia tubaka kwa yandi: Nki mpila nge muYuda, lomba masa ya kunwa na mono, nkento ya Samalia ? Kadi baYuda ikele kuvanda ve sikamosi na baSamalia. 2 Nt. 17:24; Luk. 9:52; Bis. 10:28
10Yesu vutulaka ye tubaka kwa yandi: Kana nge zabaka matabisi ya Nzambi ye nani ya tubaka kwa nge: Pesa mono ya kunwa, nge zolaka kuyuvula yandi, ye yandi imene kupesa nge masa ya moyo. Nk. 23:2; Yes. 12:3
11Nkento tubaka kwa yandi: Mfumu, nge ikele na kima ve kubenda masa, ye nto ya masa ikele nda, buna wapi nge tabaka masa ya moyo yina ?
12Kadi nge luta tata ya beto Yakobi ya pesaka beto nto yai, yandi kibeni kunwaka mu nto yai ya masa, ye bana ya yandi ye bambizi ya yandi ?
13Yesu vutulaka kutuba kwa yandi: Konsonani kunwa masa yai yandi tavanda na kiwini diaka; Yoa. 6:15
14kansi konsonani ya kunwa masa ya mono tapesa yandi, yandi tamona kiwini diaka ve, mvu ya mvu, kansi masa ya mono tapesa yandi, tavanda mu yandi nto ya masa ya tomboko mu moyo mvu ya mvu. Yoa. 6:35; Yes. 55:1; Yoa. 6:27; 7:37
15Nkento tubaka kwa yandi: Mfumu, pesa mono masa yina, na mono kuwa kiwini ve, keti kwiza nzila yai yonso diaka, kubenda masa.
16Yesu tubaka kwa yandi: Kwenda, binga bakala ya nge, kwiza awa.
17Nkento vutulaka ye tubaka kwa yandi: Mono ikele na bakala ve. Yesu tubaka kwa yandi: Nge imene kutuba mbote: Mono ikele na bakala ve.
18Kadi nge vandaka na babakala tanu; ye yandi ya ikele na nge ntangu yai, ikele bakala ya nge ve; mu yina nge imene kutuba kieleka.
19Nkento tubaka kwa yandi: Mfumu, mono mona, nge ikele mbikudi. Luk. 7:16; 24:19; Yoa. 6:14
20Batata ya beto sambilaka mu mongo yai; kansi beno tuba, mu Yelusalemi ikele sika ya bantu fwiti kusambila. 5 Mose 12:5, 11; 1 Nt. 9:3
21Yesu tubaka kwa yandi: Nkento, kwikila mono, lokula takwiza, bu beno tasambila Tata mu mongo yai ve, keti mu Yelusalemi.
22Beno sambila ya beno konda kuzaba, kansi beto zaba ya beto sambila, kadi mpulusu imene kukatuka mu baYuda. Lom. 9:4
23Kansi lokula takwiza, yo ikele ntangu yai, bu basambidi ya kieleka tasambila Tata mu mpeve ye mu kieleka, kadi Tata ikele kusosa basambidi ya mpilayai.
24Nzambi ikele Mpeve, ye bau ya sambila yandi, fwiti kusambila yandi mu Mpeve ye kieleka. 2 Kol. 3:17
25Nkento tubaka kwa yandi: Mono zaba Mesia takwiza ya bingwa Klisto; bu yandi kwiza yandi tatuba na beto mambu yonso.
26Yesu tubaka kwa yandi: Mono ya tuba kwa nge ikele yandi. Yoa. 9:37
27Bu mambu yai kubwaka, banlonguki ya yandi kwizaka, ye bau yitukaka, na yandi vanda kutuba na nkento: Kansi muntu mosi yuvulaka ve: Nki nge sosa ? Keti, nki nge tuba na yandi ?
28Buna nkento bikaka dibungu ya yandi ya masa, ye kwendaka ku mbanza ye tubaka kwa bantu:
29Kwiza, tala muntu ya tubaka na mono mambu yonso ya mono salaka. Kana yandi ikele Klisto ?
30Bau basika na mbanza, ye kwizaka kwa yandi.
Yesu tuba kwa banlonguki
31Mu ntangu yina banlonguki ya yandi lombaka yandi, kutuba: Nlongi, kudia.
32Kansi yandi tubaka kwa bau: Mono ikele na madia ya beno konda kuzaba.
33Buna banlonguki tubanaka: Muntu imene kunata yandi ya kudia.
34Yesu tubaka kwa bau: Madia ya mono ikele kusala luzolo ya yandi ya fidisaka mono, ye kumanisa kisalu ya yandi. Yoa. 5:30; 6:38; 17:4
35Beno ikele kutuba ve: Ngonda iya bika ve buna nsungi ya ngionzoko kwiza ? Tala, mono tuba kwa beno: Senduia meso ya beno, ye tala bilanga, na yau imene kuyela, ye kulunga ku ngionzoko. Mat. 9:37; Luk. 10:2
36Yandi ya yonsika, ikele kubaka lufutu, ye ikele kutikisa mabundu ku moyo ya mvu ya mvu. Na yandi ya kunaka ye yandi ya yonzika lenda kuyangalala sikamosi.
37Kadi mu mambu yai ya bau tubaka ikele kieleka: Mosi kuna, yankaka yonzika. Mika 6:15
38Mono fidisa beno kuyonzika yina ya beno salaka na yo ve. Bankaka imene kusala, ye beno imene kukota mu kisalu ya bau.
Basamalia kwikila Yesu
39BaSamalia mingi mu mbanza yina kwikilaka yandi sambu na mambu ya nkento tubaka kitemo: Yandi tubaka na mono mambu yonso ya mono salaka.
40Mpilayai baSamalia kwizaka kwa yandi, bau bombidilaka yandi kuvanda na bau. Ye yandi vandaka na bau kuna bilumbu zole.
41Bankaka mingi kwikilaka sambu na ndinga ya yandi kibeni;
42ye bau tubaka kwa nkento: Ntangu yai beto kwikila, sambu na ndinga ya nge ve, kansi beto kibeni kuwaka, ye zaba mu kieleka yandi ikele Mvulusi ya bantu ya nsi. Yoa. 6:69; 17:8
43Bilumbi zole nanima yandi katukaka kuna, ye kwenda ku Ngalili; Mat. 4:12; Mal. 1:14; Luk. 4:14
44kadi Yesu kibeni tubaka kitemo na mbikudi ikele na luzitu ve mu ntotoi ya yandi. Mat. 13:57; Mal. 6:4; Luk. 4:24
45Mpilayai bu yandi kwizaka mu Ngalili, baNgalili bakaka yandi, sambu na bau monaka mambu yonso ya yandi salaka mu Yelusalemi na fete, kadi bau kibeni mpe vandaka na fete yina.
Yesu belula mwana ya muntu ya ntinu
46Mpilayai Yesu kwendaka diaka ku Kana mu Ngalili sika yandi kitulaka masa vinia. Mu Kapenaumi vandaka muntu ya ntinu, mwana ya yandi vandaka na maladi. Yoa. 2:1
47Bu yandi kuwaka Yesu imene kukatuka mu Yuda, ye imene kwiza ku Ngalili, yandi kwendaka kwa yandi, ye bombidila yandi, na yandi kulumuka ye belula mwana ya yandi, kadi mwana vandaka mfinama ku lufwa.
48Buna Yesu tubaka kwa yandi: Kana beno mona ve bidimbu ye banyitukulu, beno takwikila ve. 1 Kol. 1:22
49Muntu ya ntinu tubaka kwa yandi: Mfumu kulumuka, ntete mwana ya mono imene kufwa ve.
50Yesu tubaka kwa yandi: Kwenda, mwana ya nge ikele na moyo: Ye muntu yina kwikilaka ndinga ya Yesu tubaka kwa yandi, ye yandi kwendaka.
51Bu yandi ikele kulumuka, bampika ya yandi kutanaka na yandi kutuba, na mwana ya yandi ikele na moyo.
52Buna yandi yuvulaka bau lokula nki yandi yantikaka kubeluka. Bau tubaka kwa yandi: Mazono mu lokula mosi, fievre bikaka yandi.
53Mpilayai tata zabaka na yo vandaka mu lokula yina ya Yesu tubaka kwa yandi: Mwana ya nge ikele ma moyo. Ye yandi kwikilaka, yandi kibeni ye nzo ya yandi ya mvimba.
54Yai ikele kidimbu ya zole ya Yesu salaka, bu yandi katukaka na Yuda ye kwizaka mu Ngalili.
अहिले सेलेक्ट गरिएको:
Yoane 4: NTK50
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Nouveau Testament en Kikwango © BAliiance Biblique de la RD Congo, 1950.
