भजनसंग्रह 53
53
मानिसहरूको दुष्टता
सङ्गीत-निर्देशकको निम्ति महलत#53:0 महलत एक किसिमको भजन हो। नामक दाऊदको मस्किल
1मूर्खले आफ्नो मनमा भन्छ, “ईश्वर छँदैछैन।”#रोम ३:१०-१२#भज १४ तिनीहरू भ्रष्ट भएका छन्,
र तिनीहरूका चाल घृणास्पद छन्।
यस्तो कोही पनि छैन जसले असल गर्दछ।
2परमेश्वर स्वर्गबाट मानिसका सन्तानलाई हेर्नुहुन्छ, यो जान्नलाई कि समझदार हुने
र परमेश्वरलाई खोज्ने कोही छ?
3सब मानिसहरू भड्किगएका छन्, तिनीहरू सबै एकसाथ भ्रष्ट भएका छन्। कसैले असल गर्दैन,
असल गर्ने एक जना पनि छैन।
4के दुष्ट काम गर्नेहरूले कहिल्यै सिक्नेछैनन्? रोटी खाएझैँ तिनीहरूले मेरा मानिसहरूलाई भक्षण गर्छन्,
र परमेश्वरको पुकारा गर्दैनन्।
5जहाँ डरको केही कारण थिएन त्यहीँ नै तिनीहरू भयले व्याकुल भए। परमेश्वरले तिमीहरूलाई आक्रमण गर्नेहरूका हड्डीहरू तितरबितर पार्नुभयो, तिनीहरूलाई तिमीले शर्ममा पार्यौ,
किनभने परमेश्वरले तिनीहरूलाई घृणा गर्नुभएको थियो।
6इस्राएलको उद्धार सियोनबाट आएको भए कति असल हुनेथियो! जब परमेश्वरले आफ्ना मानिसहरूको सुख-शान्ति फर्काइदिनुहुन्छ, याकूब रमाऊन्, र इस्राएल खुशी होऊन्!
अहिले सेलेक्ट गरिएको:
भजनसंग्रह 53: NNRV
हाइलाइट
शेयर गर्नुहोस्
कपी गर्नुहोस्
तपाईंका हाइलाइटहरू तपाईंका सबै यन्त्रहरूमा सुरक्षित गर्न चाहनुहुन्छ? साइन अप वा साइन इन गर्नुहोस्
Nepali New Revised Version © Nepal Bible Society 1997, 2006, 2009, 2012