अय्‍यूब 42:10-12

यसरी अय्‍यूबले आफ्‍ना मित्रहरूका निम्‍ति प्रार्थना गरेपछि परमप्रभुले अय्‍यूबको सुदिन फर्काइदिनुभयो, र तिनका सबै धन-सम्‍पत्ति पहिलेको भन्‍दा दुई गुणा बढ़ाइदिनुभयो। त्‍यसपछि अय्‍यूबका सबै दाजुभाइ, दिदी-बहिनीहरू र तिनका अघिका परिचित मानिसहरू आएर तिनीसित तिनको घरमा भोज गरे, र परमप्रभुले तिनीमाथि ल्‍याउनुभएका सबै दुर्दशाहरूका निम्‍ति तिनीहरूले तिनलाई समवेदना र सान्‍त्‍वना प्रकट गरे। अनि हरेकले तिनलाई एक-एक टुक्रा चाँदी र एउटा-एउटा सुनको औँठी दिए। त्‍यसबाहेक परमप्रभुले अय्‍यूबको जीवनको पछिल्‍लो समयलाई अघिल्‍लो समयभन्‍दा बढ़ी आशिष्‌ दिनुभयो। तिनका चौध हजार भेड़ा, छ हजार ऊँट, हजार हल गोरु र एक हजार गधा थिए।