इजकिएल 1:10-11

तिनीहरूको मोहड़ा यस्‍ता देखिन्‍थे: ती चारै जीवातको एउटा मोहड़ा मानिसको झैँ थियो। तिनीहरूको दाहिनेपट्टिको मोहड़ाचाहिँ सिंहको झैँ, देब्रेपट्टिको मोहड़ाचाहिँ गोरुको झैँ, र पछाडिपट्टिको मोहड़ाचाहिँ गरुडको झैँ थियो। तिनीहरूका मोहड़ा यस्‍तै थिए। तिनीहरूका पखेटाचाहिँ बाहिर र मास्‍तिर फैलिएका थिए। हरेकका दुई पखेटाले चाहिँ एउटाले अर्काको पखेटालाई छोएका थिए, र अरू दुई पखेटाले आ-आफ्‍नो शरीर ढाकेका थिए।