बाट लोकप्रिय बाइबल पदहरू {{chapter}}

शेयर गर्नुहोस्

Ësokian kakëxun ka unin kakëxa: —Bërí ka min anë Jacob kakë ꞌitima ꞌikën. Min anë ka Israel kakë bërí ꞌiti ꞌikën, mix kamina Nukën ꞌIbu Diosbë tananan, ꞌimainun kamina bërámabi bëtsi unikamaribi usaribi okin kanánkën.

Usakin ꞌatankëxun ka a unin kakëxa: —ꞌË kamina ënti ꞌain, ka pëkarakuatsinia. Ësakian kakëxun ka Jacobnën kakëxa: —Minmi upíokin sinánxunkëxuma kana mi ëntima ꞌain.

Kuantamainun ka Jacob ashira anubi bërúankëxa, bëruanbi ka a imë́ achúshi uni an usakin sinánkë ꞌaímabi ami mërati abë pëkarakuatsintamainun tananankëxa usai

Usa ꞌain ka a me Penuel kakin anëi Jacob kiakëxa: “Nukën ꞌIbu Diosbë kana isanairan usa ꞌaínbi kana bamakëma ꞌain.”

tananankinbi ka a unin Jacob an kanantisama kushiira ꞌikë ꞌakasmakëxa, ꞌakasmakin ka aín chixu manámi aín chitëxkënu tinkirin kakëxa, tinkirin kakëx ka abë tananani Jacob chiëxkiakëxa.

—¿Uisa kara min anë ꞌik? —kixun ka a unin ñukákëxa. —ꞌËn anë ka Jacob ikë —kixun ka kakëxa.

—Bërí kamina ꞌë kati ꞌain, uisakin anëkë karamina mix ꞌain —kixun ka Jacobnënribi ñukákëxa. ꞌAínbi ka uni an kakëxa: —¿Uisoti karamina ꞌën anë ꞌë ñukatin? Usokin kakëxun anuxun upíokin sinánxunbiani ka a uni kuankëxa.

ꞌëx kana upíma ꞌain minmi ꞌë bërúanan upíokin ꞌakinkë ꞌaínbi. ꞌËx kana Jordán kakë baka ënë, añu ñubi bëíma ꞌën tsatishi tuianx min kakëx sikákën, ꞌaínbi kana bërí ꞌaisamaira ñuina ꞌarakakëñu ꞌimainun an ꞌë ñu mëëxunkë uniñu ꞌain, akamax ka rabë́ ëmanu ꞌikë unisa ꞌikën.

Usa ꞌain ka bërí nëtënbi Israelnën rëbúnkikaman aín chitëxkëmia ꞌikë ñuina nami pima anu ka Jacob tinkirikakë ꞌiakëxa usa ꞌain.

Usokin ꞌatankëxun ka: “Nukën ꞌIbu abë banakin kakëxa, ꞌën xuta Abraham ꞌimainun ꞌën papa Isaacnën Dios, min kamina ꞌëx amiribishi ꞌën menu kuanan ꞌën aintsikamanu, kuantëkënia ismina upitax kuantanun ꞌë ꞌakinti ꞌai kixun kakën

Usa ꞌain kamina mix kikësabiokin ꞌakianan ꞌë ië́miti ꞌain, ꞌën xukë́n Esaúnën ꞌë ꞌati sinani kana rakuë́tin. ꞌImainun ka ꞌë ꞌakin xanukama ꞌimainun tuákamaribi ꞌati ꞌikën.