बाट लोकप्रिय बाइबल पदहरू {{chapter}}

शेयर गर्नुहोस्

तिमीहरूलाई सबै मानिसहरूले मेरो निम्ति घृणा गर्नेछन्; तर जो अन्त्यसम्म स्थिर रहन्छ, त्यो नै बचाइनेछ।

होसियार बस! सचेत बस! त्यो समय कहिले आउनेछ, त्यो तिमीहरू जान्दैनौ।

जब तिमीहरू पक्रिएर मुद्दामा पर्नेछौ, तब के बोल्नुपर्छ भनी पहिल्यैबाट चिन्ता नलेऊ। तिमीहरूलाई त्यसै बेला जे दिइनेछ त्यही भन; किनकि त्यो समयमा बोल्ने तिमीहरू होइनौ, तर पवित्र आत्मा बोलिरहनुभएको हुनेछ।

आकाश र पृथ्वी नष्‍ट भएर जानेछन्, तर मेरा वचनहरू कहिल्यै पनि नष्‍ट हुनेछैनन्।

“त्यस दिन र समयको विषयमा कसैले जान्दैन, न स्वर्गका दूतहरूले, न ता पुत्रले, तर पिताले मात्र।

जब तिमीहरूले लडाइँ र लडाइँहरूका हल्‍लाहरू सुन्‍नेछौ, तब नडराओ। यस्ता कुराहरू हुनैपर्छ, तर अन्त्य आउन त बाँकी नै छ।

“यसकारण जागा रहो; किनकि घरका मालिक साँझमा, कि मध्यरातमा, कि भाले बास्दा, कि बिहानै अथवा कुन समयमा आउलान्, त्यो तिमीहरू जान्दैनौ। तिनी अचानक आए भने, तिनले तिमीहरूलाई सुतिरहेका नभेट्टाऊन्। म तिमीहरूलाई जे भन्दछु, त्यो हरेकलाई भन्दछु: ‘जागा रहो!’ ”

जातिको विरुद्धमा जाति र राज्यको विरुद्धमा राज्य उठ्नेछ। धेरै ठाउँहरूमा भुँइचालाहरू जानेछन्; अनि अनिकालहरू हुनेछन्। यी त प्रसववेदनाको सुरुआतजस्तै मात्र हुन्।

अनि अन्त्य आउनुभन्दा पहिला सबै राष्ट्रहरूमा सुसमाचार प्रचार गरिनुपर्छ।

धेरैजना मेरो नाउँमा ‘म उही हुँ,’ भन्‍ने दाबी गर्दै आउनेछन्, अनि धेरैलाई धोका दिनेछन्।

“तिमीहरू आफ्नो विषयमा होसियार रहो। तिमीहरू स्थानीय सभाहरूमा सुम्पिनेछौ, र सभाघरहरूमा कोर्रा लगाइनेछौ। मेरो कारणले गर्दा तिमीहरू साक्षीको रूपमा राज्यपालहरू अनि राजाहरूको सामुन्‍ने उभिनेछौ।

किनकि झूटा ख्रीष्‍टहरू अनि झूटा अगमवक्‍ताहरू देखा पर्नेछन्, र सम्भव भए चुनिएकाहरूलाई पनि बहकाउनलाई अलौकिक चिन्हहरू र आश्‍चर्यपूर्ण कामहरू गर्नेछन्।

“तर ती दिनहरूमा, विपत्तिको तुरुन्तै पछि, “ ‘सूर्य अँध्यारो हुनेछ, अनि चन्द्रमाले आफ्नो ज्योति दिनेछैन, आकाशबाट ताराहरू खस्‍नेछन्, अनि आकाशका शक्‍तिहरू डगमगाउनेछन्।’