बाट लोकप्रिय बाइबल पदहरू {{chapter}}

शेयर गर्नुहोस्

Sa daan John mibaḻudan, sissiyae inninggaw da adu we tagu we binonyagana. Sin-aḻgawan ḵad, binonyagana bos aḵ Jesus. Pune sadi, nalluwaḻu ḵad aḵ Jesus, nabuḵtan ad langit. Pun dummoḻa Ispiritu Santu we isunan kalapati woḵ nansap-oy ḵan siya. Ḵanan ni gingae naḻpu'd langit, “Siḵa Abengḵu we ay-ayatoḵ ya masmas-omaḵ ḵan siḵa.”

Ḵanan John ḵan dida, “Bonyagaḵ diḵayu si danum. Yaḵon sa umali ye nangatngatu nu saḵon, bonyagana diḵayu si Ispiritu Santu ḵan apuy. Gapu si ḵinangatuna, naippun labbongḵu we anguḵas si sandalna.

Adipun paat maḵwa te ḵasapuḻane ḵoonyu da losan ta ipailayu we tuttuwae imbabawiyu da basuḻyu ya iyyagayyu we nangwa. Ḵad adiyu pay maag ḵanane miligsi ḵayu te aḵ Abraham daḵdaḵoḻyu. Annaya ibagaḵ ḵan diḵayu te aḵ Apudyus maḵwae ambalinona da annae batu'ḵ ganaḵ Abraham!

Sa mipaniyan ni dusayu, isun ni wasaye misaganae ampoḵpoḵ atta ḵayu ya da adipun ambaḻu bungada, mapoḵpoḵda ya niballuda'tte apuy.”

Aḵ John ḵad, siya inggilin Profeta Isaiah we ḵanana, “Sa bumbummaaw, awad de angibagbagae ḵanana, ‘Saganaonyu oḵyan daḻan atte umaliyan Apu ya pagodongonyu daḻane ayona. Sana da ḵoonyu. Panadonyu oḵyan da beleg ya da tagudtud, piluganyu da dummallug ta tumanap, pagodongonyu da nampiḵḵupiḵḵu, ya panadonyu da ateḵḵeteḵḵe. Ta ilanda losane tagu anaguwan Apudyus.’ ”