बाट लोकप्रिय बाइबल पदहरू {{chapter}}

शेयर गर्नुहोस्

ēdi hāree zīwu notte lakka ēdāni hāreka pāpunga zarpitaï āha mannu inzihi nī tulle wessi manzaï. imbaanaki ūña zarpitai āha manneā, evasi ūñee zīwu kīnesi inzihi wessihi nī pāpunga zarpitaï āha mannu inzihi ēdāni tulle westesi.

ēdānaki evasi:— nī wishwāsomi ninnaa rakshinẓite, samadhānomi gattati āhi hallamu inzihi ē ījani tulle westesi.

ḍāju bakki evani pā’ananga tāna niẓẓiwaha līhihi kanḍru tulle evani pā’anangani ūthiwaha tani trāju bānangati zēza tusiwaha evani pā’anangani londa koddihi ē nehi ganda gatti ēju evaska muhe wākhe.

ēdānataki nī tāna wājali pāḍa ātatee inzihi nānu āza kodda hilloo; ātihe zōkoḍi mātromi hello hījamu embatiĕ nā gotteesi ottinesi. nānuwa adhikāromitaki lobāḍitatee; nange dandulōku manneri, nānu roonaï halmu iẓẓihe hannesi, roonaï wāmu iẓẓihe wānesi, nā gottii idāni kēpamu iẓẓihe kīnesi inzihi nānu westi lehe evani tulle weh’du inzihi evaraï panḍitesi. Jesu ī hāḍanga wenziwaha evani bakki iẓintromi āhiwaha tani zēẓo wāhi manni samuhomi bakki wenḍiwaha:— Ishraelu lōni ātiwa iẓẓi kazza wishwāsomi nānu meh’atee inzihi mī tulle wessi manzaï.

ē gāḍekatee evasi dukhanganiĕ, bīsanganiĕ pōlaa pēnka gatti hāra zānee othiwaha, hāra zāna guḍilangani mespi kittesi. embatiĕ evasi:— mīmbu hazziwaha mestaniĕ westaniĕ Johanutaki weh’du. guḍilanga meh’nani pāti manneri, sottanga tāki manneri, kushtudukhagattari othitari āhi manneri, bēranga wenzi manneri, hātari nikhari āhi manneri, pēḍangaki suwarta wēkhnai āne.