बाट लोकप्रिय बाइबल पदहरू {{chapter}}

शेयर गर्नुहोस्

Gáál hol taak ki kúo, gáál ˈduuwkú ki dhíir. ˈDuuw kinaallá he ˈdeenykú.

Luolmit biiyoká hatallá gaalí aargira, giri kúúni Waag tikiˈde-, ˈdúwáállá gaal ko óg-, yáá Yiesu Kirísto-, kuun ye ali gáá kaayyééllá úba gaal ye ógká.

Yáá gálallá tákámle ko ma kí rogonminy, yú gál fayam chia gálallá hí hogodhoká maalo-, ye iiy yegetká úba ko kí rogonmo, giri gaal lulle tikiˈd yegetká. Baabá, hát kuun ye gaa iđo-, yú ko gaa ijóóllá, gaal íín úba hí muun gáál gaa yíéđuo, giri les gálle hát kuun ye ali gáá kaayyeká iiy yegetká.

Yáá ko ma rogonminy, kieye, Gáál lésallá gaa éeb, ma yegen, he gáál ˈdaa Sátanáka in ki ˈdé, yú yegedhe.

Yáá gáál ˈduuw kuun hí ye ka shiicheká shie, giri gaal íín hát muun ke tikiˈdééllá íín úba tikiˈd yegetká. Hát yú gáál gaa ijo-, kuun ye gaa iđóóllá, gaal hí hát ˈdabaanká tikiˈd yeet, giri les gálle hát kúún ye ali gáá kaayye-, gielmit kuun hí ye gielká, úba kuun hí gáál gielká kiimisatká.