बाट लोकप्रिय बाइबल पदहरू {{chapter}}

शेयर गर्नुहोस्

येशूले उठेर आँधी र छालहरूलाई हप्‍काउँदै भन्‍नुभयो, “शान्‍त भइजा! रोकिहाल्!” त्‍यति नै खेर आँधी थामियो र एकदमै शान्‍त भइहाल्‍यो। येशूले चेलाहरूलाई भन्‍नुभयो, “तिमीहरू किन यसरी आतिएका? खै तिमीहरूको विश्‍वास?”

अनि तिनीहरू अचम्‍म मानेर डराउँदै आपसमा भन्‍न लागे, “उहाँ को हुनुहुन्‍छ? आँधीबेहरी र छालले समेत उहाँको आज्ञा मान्‍दा रहेछन्!”

येशूचाहिँ सिरानी हालेर नाउको पछाडिपट्टि निदाइरहनुभएको थियो। अनि चेलाहरूले उहाँलाई उठाएर भने, “गुरु, हामी त मर्न लाग्‍यौं, तपाईंलाई केही फिक्री छैन?”

अनि येशूले तिनीहरूलाई यसो भन्‍नुभयो, “सुनेका कुरामा ध्‍यान देओ! जुन पाथीले अरूलाई भरेर दिन्‍छौ, त्‍यही पाथीले तिमीलाई पनि भरेर दिइनेछ। अझ धेरै पनि दिइनेछ

येशूले फेरि भन्‍नुभयो, “परमेश्‍वरको राज्‍य एउटा मान्‍छेले आफ्‍नो बारीमा बीउ छरेकोजस्‍तो हुन्‍छ। ऊ सुते पनि, उठे पनि रातदिन बीउहरू उम्रेर बढिरहेका हुन्‍छन्। तर यो कसरी हुन आयो, उसलाई थाहा हुँदैन।

जसको कान छ, त्‍यसले सुनोस्!”