बाट लोकप्रिय बाइबल पदहरू {{chapter}}

शेयर गर्नुहोस्

तीन बजेतिर येशूले ठूलो सोर निकालेर भन्‍नुभयो, “इलोई-इलोई लामा सबखथनी?” यसको अर्थ हो, “हे मेरा परमेश्‍वर, हे मेरा परमेश्‍वर, मलाई किन त्‍याग्‍नुभयो?”

तब हेर, त्‍यही समयमा मन्‍दिरभित्र टाँगिएको पर्दा माथिदेखि तलसम्‍मै दुई भाग भएर च्‍यातियो। भूइँचालो गयो, पहराहरू फुटे, चिहानहरू उघ्रिए र मरिसकेका परमेश्‍वरका धेरै जनहरू बिउँते।

तर त्‍यति नै बेला येशूले फेरि एकपल्‍ट ठूलो सोरले कराएर आफ्‍नो प्राण त्‍याग्‍नुभयो।

भूइँचालो गएको र त्‍यहाँ भएका सबै थोक देखेर येशूलाई कुरेर बसेका सिपाहीहरू र तिनीहरूका कप्‍तान ज्‍यादै डराए। अनि तिनीहरूले भने, “साँच्‍चै यिनी त परमेश्‍वरकै पुत्र रहेछन्।”

दिउँसो बाह्र बजेदेखि तीन बजेसम्‍म देशभरि नै अँध्‍यारो भइरह्यो।

अनि पिलातसले तिनीहरूलाई फेरि सोधे, “त्‍यसो भए ख्रीष्‍ट भन्‍ने येशूलाई चाहिँ म के गरूँ त?” “त्‍यसलाई क्रूसमा झुण्‍ड्याइयोस्!” तिनीहरू सबैले कराएर भने। पिलातसले सोधे, “यिनले के अपराध गरेका छन् र?” तर तिनीहरूले झन् चिच्‍च्‍याएर भने, “त्‍यसलाई क्रूसमै झुण्‍ड्याइयोस्!”