बाट लोकप्रिय बाइबल पदहरू {{chapter}}

शेयर गर्नुहोस्

नडरा, म तँसित छु! म तेरा परमेश्‍वर हुँ, कुनै कुराले तँलाई नतर्साओस्! म तँलाई बल र मद्दत दिनेछु। मेरो धार्मिकताको दाहिने हातले तँलाई बचाउनेछु।

म परमप्रभु, तेरा परमेश्‍वर हुँ, म तेरो दाहिने हात समातेर भन्‍दछु, ‘नडरा, म तँलाई मद्दत दिनेछु’।”

“तँसित रिसाउनेहरू हार खाएर लज्‍जित हुनेछन्। तिमीहरूका विरुद्धमा लड्‍नेहरू मारिनेछन्।

मैले तँलाई पृथ्‍वीको पल्‍लो छेउबाट ल्‍याएँ। त्‍यसका टाढा-टाढाका कुनाकुनाबाट बोलाएर भनें, ‘तँ मेरो सेवक होस्। मैले तँलाई त्‍यागिनँ तर छानेको छु!’

तँसँग लड्‍नेहरूलाई तैँले खोज्‍नेछस् तर भेट्टाउनेछैनस्। तँसँग लडाइँ गर्नेहरू व्‍यर्थका हुनेछन् र पृथ्‍वीबाट लोप हुनेछन्।

परमप्रभु भन्‍नुहुन्‍छ, “हे इस्राएल, तँ सानो र दुर्बल भए तापनि नडरा, म तँलाई सहायता गर्नेछु। म, इस्राएलका पवित्र परमेश्‍वरले नै तँलाई बचाउनेछु।

“तर हे इस्राएल, मेरा सेवक, मैले चुनेको याकूब, मेरा मित्र अब्राहामका सन्‍तान

रूखा डाँडाहरूमा म नदी बहाउनेछु। र बेँसीमा पानीका फोहोरा फुटाउनेछु। मरुभूमिलाई पानीको पोखरी र सुख्‍खा जमिनलाई बग्‍ने फोहोरा बनाउनेछु।

“जब मेरा प्रजाले खाँचो परेर पानी खोज्‍दछन् र जब तिर्खाले तिनीहरूका घाँटी सुकेका हुन्‍छन्, तब म परमप्रभुले तिनीहरूका प्रार्थनाको उत्तर दिनेछु। म, इस्राएलका परमेश्‍वरले तिनीहरूलाई कहिल्‍यै त्‍याग्‍नेछैनँ।

कसले यो सब गरायो? कसले सुरुदेखि अहिलेसम्‍ममा पुस्‍ताहरूलाई बोलायो? म परमप्रभु सुरुमा थिएँ र म परमप्रभु अन्‍तसम्‍म रहनेछु।

म मरुभूमिमा देवदारु र बबुल, मेहेदी र जैतुनका रूखहरू उमार्नेछु, सुख्‍खा जमिनमा रूखहरू उम्रनेछ, सल्‍ला, धूपी र सिसौका रूखहरू उम्रनेछन्। मानिसहरूले यी सबै देखेर म परमप्रभुले के काम गरेको छु, ती जान्‍नेछन्। यी इस्राएलका पवित्र परमेश्‍वरले गराएका हुन् भनी तिनीहरूले बुझ्‍नेछन्।”