बाट लोकप्रिय बाइबल पदहरू {{chapter}}

शेयर गर्नुहोस्

जे काम गर्छौ, त्‍यसमा खुब मेहनत गर किनभने मृत्‍युको देशमा केही काम सोच-विचार, ज्ञान वा बुद्धि हुनेछैन र तिमी त्‍यहीँ गइरहेका छौ।

मैले अर्को एउटा कुरा देखेको छु। दौडमा सधैँ चाँडो दगुर्नेहरूले दौड जित्‍दैनन् र वीरहरूले सधैँ लडाइँ जित्‍दैनन्। बुद्धिमान् मानिसहरूले सधैँ पेटपालनको मेलो गर्न सक्‍दैनन्, चतुर मानिसहरूले सधैँ धन कमाउन सक्‍दैनन् र योग्‍य मानिसहरू सधैँ उच्‍च दर्जामा पुग्‍दैनन्। बेला र मौका सबैमाथि आउन सक्‍छ।

जहिलेसम्‍म परमेश्‍वरले तिमीलाई यस संसारमा यो व्‍यर्थको जीवन दिनुहुन्‍छ, तहिलेसम्‍म आफूले प्रेम गरेको पत्‍नीसित आनन्‍द-खुसीमा जीवन बिताओ। जीवनका प्रत्‍येक व्‍यर्थको दिन सुख-भोग गरेर काट किनभने आफ्‍ना सारा कष्‍टका सट्टामा तिमीले पाउने कुरा त्‍यति मात्र हो।

आफ्‍नो बाटोमा अघि बढ, भोजन खाएर आनन्‍द मनाओ, मद्य पिएर हर्षित होओ। परमेश्‍वरले तिम्रो कामलाई सहमति दिनुभएको छ।

बुद्धिले हात-हतियारभन्दा धेरै असल काम गर्दछ तर एक जना पापीले धेरै असल कुराहरू सर्वनाश गर्न सक्‍छ।

मूर्खहरूका बीचमा चिच्‍च्‍याएर बोल्‍ने शासकको कुरा सुन्‍नुभन्दा त शान्‍त भावले बोल्‍ने बुद्धिमान् मानिसको वचन सुन्‍नु असल हो।

जिउँदाले हामी मर्नेछौं भनी जान्‍दछन्, तर मुर्दाले केही पनि जान्‍दैन। तिनीहरूले पाउनुपर्ने कुरा अरू केही छैन, तिनीहरूलाई सबैले बिर्सिनेछन्।