बाट लोकप्रिय बाइबल पदहरू {{chapter}}

शेयर गर्नुहोस्

तर तिमीहरू त छानिएका जन, राजकीय पूजाहारी, पवित्र जाति, तिमीहरूलाई अन्‍धकारबाट अचम्‍मको उज्‍यालोमा ल्‍याउनुहुने परमेश्‍वरका आफ्‍नै प्रजा हौ। उहाँले तिमीहरूलाई उहाँको उदेकका कामहरू प्रचार गर्न छान्‍नुभएको हो।

ख्रीष्‍टले हाम्रो पाप आफ्‍नो शरीरमा बोकेर काठको क्रूसमा झुण्‍डिनुभयो। त्‍यसो हुँदा हामी पनि पापको लागि मर्‍यौं अनि परमेश्‍वरलाई मन पर्ने असल कामको निम्‍ति बाँच्‍यौं। उहाँका चोटहरूमा तिमीहरू निको भयौ। तिमीहरू बरालिएका भेडाजस्‍तै थियौ, तर अब त तिमीहरूका आत्‍माका गोठाला र रक्षककहाँ उहाँलाई पछ्याउन तिमीहरूलाई ल्‍याइएको छ।

पहिले त तिमीहरू परमेश्‍वरका प्रजा थिएनौ। तर अहिले परमेश्‍वरका प्रजा भएका छौ। पहिले तिमीहरूले परमेश्‍वरको दया पाएका थिएनौ, अहिले उहाँको दया पाएका छौ।

भरखरै जन्‍मेको बालक दूधको लागि भोकाएजस्‍तै तिमीहरूचाहिँ परमेश्‍वरको सत्‍य वचनको लागि तृष्‍णा गर र यो वचन पाएर तिमीहरू बढ्‍नेछौ र बचाइनेछौ।

प्रियहरू, यस संसारमा तिमीहरू विदेशी र प्रवासीजस्‍तै छौ। तिमीहरूलाई बिन्‍ती गर्दछु, शरीरका चाहनाहरू पूरा गर्नतिर नलाग। यस्‍ता चाहनाहरू आत्‍माको विरोधमा सधैँ लड्छन्। अरू जातिका मानिसका माझमा तिनीहरूको चालचलन यस्‍तो राम्रो होस् कि तिनीहरूले तिमीहरूलाई नराम्रो भनेर दोस्‍याउँदा तिमीहरूका राम्रा काम चिन्‍न सकून् अनि परमेश्‍वरले न्‍याय गर्न आउनुहुँदा उहाँको प्रशंसा गरून्।

तिमीहरू पनि जिउँदा ढुङ्गाहरू भएर आओ र आत्‍मिक मन्‍दिर बनाउन आफैंलाई सुम्‍पिदेओ। त्‍यहाँ तिमीहरू येशू ख्रीष्‍टको नाताले गर्दा परमेश्‍वरलाई मनपर्दो आत्‍मिक बलिदान चढाउने पवित्र पूजाहारीको काम गर्नेछौ।

त्‍यसकारण सबै नराम्रा कुराबाट, सबै छलछाम र देखावटी कुराबाट र सबै डाहा र निन्‍दाबाट टाढै बस।

प्रभुकहाँ आओ। उहाँ मानिसले काम नलाग्‍ने भनी पन्‍छाएको तर परमेश्‍वरले रोज्‍नुभएको अनमोल जीवित पत्थर हुनुहुन्‍छ।

स्‍वतन्‍त्र मानिसझैँ बस, तर स्‍वतन्‍त्र छु भनेर नराम्रो कामचाहिँ नगर। बरु परमेश्‍वरको कमारो बन।

मूर्खहरूले नबुझी बोलेका कुराहरू तिमीहरूका राम्रा कामले चुप गराएको परमेश्‍वर चाहनुहुन्‍छ।