၃ ဓမ္မရာဇဝင် 15:1-8

နေ​ဗတ်၏​သား ယေ​ရော​ဗောင်​မင်း​ကြီး နန်း​စံ​တစ်​ဆယ်​ရှစ်​နှစ်​တွင်၊ အ​ဘိ​ယ​သည် ယေ​ရု​ရှ​လင်​မြို့၌ မင်း​ပြု၍၊ ယု​ဒ​ပြည်​ကို​သုံး​နှစ်​စိုး​စံ၏။ မယ်​တော်​ကား၊ အ​ဘ​ရှ​လုံ၏​သ​မီး မာ​ခါ​အ​မည်​ရှိ၏။ ခ​မည်း​တော်​ပြု​သော ဒု​စ​ရိုက်​ကို​ပြု​မြဲ​ပြု၍၊ ဘေး​တော်​ဒါ​ဝိဒ်​ကဲ့​သို့ မိ​မိ​ဘု​ရား​သ​ခင် ထာ​ဝ​ရ​ဘု​ရား​ရှေ့​တော်၌ စိတ်​နှ​လုံး​စုံ​လင်​သည်​မ​ဟုတ်။ သို့​သော်​လည်း ဒါ​ဝိဒ်၏​မျက်​နှာ​ကို​ထောက်၍၊ သူ၏​ဘု​ရား​သ​ခင်​ထာ​ဝ​ရ​ဘု​ရား​သည် ဆွေ​တော်​မျိုး​တော်​ကို ချီး​မြှောက်၍၊ ယေ​ရု​ရှ​လင်​မြို့​ကို တည်​စေ​သ​ဖြင့်၊ ထို​မြို့၌ ဒါ​ဝိဒ်၏​မီး​ခွက်​ကို ထွန်း​လင်း​စေ​တော်​မူ၏။ အ​ကြောင်း​မူ​ကား၊ ဒါ​ဝိဒ်​သည် ဟိ​တ္တိ​အ​မျိုး ဥ​ရိ​ယ​အ​မှု​ကို​ထား​လျှင်၊ တစ်​သက်​လုံး ထာ​ဝ​ရ​ဘု​ရား​မှာ​ထား​တော်​မူ​သော အ​မှု​တစ်​စုံ​တစ်​ခု​ကို​မျှ မ​ရှောင်၊ ရှေ့​တော်၌ တ​ရား​သ​ဖြင့် ကျင့်​သော​အ​ကြောင်း​တည်း။ ရော​ဗောင်​သား​အ​ဘိ​ယ​နှင့် ယေ​ရော​ဗောင်​တို့​သည် အ​သက်​ရှည်​သ​မျှ​ကာ​လ​ပတ်​လုံး ရန်​ဘက်​ပြု​ကြ၏။ အ​ဘိ​ယ​ပြု​မူ​သော​အ​မှု​အ​ရာ ကြွင်း​သ​မျှ​တို့​သည် ယု​ဒ​ရာ​ဇ​ဝင်၌ ရေး​ထား​လျက်​ရှိ၏။ အ​ဘိ​ယ​သည်​ဘိုး​ဘေး​တို့​နှင့် အိပ်​ပျော်၍ ဒါ​ဝိဒ်​မြို့၌ သင်္ဂြိုဟ်​ခြင်း​ကို​ခံ​လေ၏။ သား​တော်​အာ​သ​သည် ခ​မည်း​တော်​အ​ရာ၌ နန်း​ထိုင်၏။