Juan 4
4
O Jesus ta e diskinia katar e Samaria
1E fariseure llangle kai o Jesus cherela ta kristila ios mai but disipulura neko o Juan 2A o Jesus ni kristila, samo leke disipulura. 3Kana o Jesus llanglale, llelotar katar e Judea ta avilo pale ande phuv katar e Galilea. 4Ta saia te nakhel ande Samaria. 5Ta avilo kai iek foro katar e phuv e Samariaki kai ikhardola Sikar, pasa e umal kai o Jakob dia pe chave e Josee.#Jen 33.19; Jos 24.32. 6Kote saia o bunari e Jakoboko. Ondaka o Jesus chinio e drometar beslo pasa o bunari, ta saia ande desudui e lliveseke. 7Ta avili iek diskinia katar e Samaria te ikanel pai, ta o Jesus phenda lake:
De man te piau. 8A leke disipulura llele ando foro te chinen fiso te jan.
9A goia diskinia phenda e Jesuseke:#Esd 4.1-5; Nej 4.1-2.
¿Sar tu, kai san katar e Judea, mange mandar te pie pai, a sem iek diskinia katar e Samaria? Voi phenda gua soke e judiura ta e samaritanura ni denpe orba.
10O Jesus penda lake:#Is 44.3; Jer 2.13; 17.13; Jn 7.37-39.
Te llanglana so del o Del, ta ko mangel tutar pai, tu mangea letar, ta vou dela tut o pai o llundo.
11E diskinia phenda leke:
Gazda, inai tut soia te ikane o pai ta o bunari si baro: ¿Katar ka ikane o pai o llundo? 12O Jakob mukla amenge, kai sam katar leki vicha, gava bunari katar pila vou leke chave ta leke stoka. ¿So san tu mai baro neko vou?
13O Jesus phenda lake:
Kogo ka piel katar gava pai, pale ka trusaol. 14A gua kai ka piel katar o pai kai me ka dav le, nikada ni ka trusaol. Soke o pai kai me ka dav le ka ezvoril ta ka del le zivoto ostade.
15E diskinia phenda leke:
Bre, de man katar gua pai te na avav ios trusali, ta te na avav pale kate ta ikanav le.
16O Jesus phenda lake:
Lla ta ikhar che rrome ta bolde karinga.
17E diskinia phenda:
Inai man rrom.
A o Jesus phenda lake:
Sukar phendan kai inai tut rrom, 18soke panch rroma sea tut, a gava kai si pala tute inai cho rrom. O chachipe phendan.
19Kana voi asunda gava, phenda leke:
Misliu kai tu san profeta. 20Amare purane, e samaritanuria, blagosisarde pe gava burdo, a tumen e judiura phenen kai trubul te blagosil ando Jerusalem.
21O Jesus phenda lake:
Pacha man, kai avel o llive, kai ni pe gava burdo ni ando Jerusalem ni ka blagosisaren e Dade. 22Tumen blagosin so ni llanen, a amen llana ka blagosisara, soke o braduipe avel katar e judiura. 23A avel o llive, ta akana si, kana e llene chachune ka blagosin e Dade ando Duo ta ando chachipe, soke gia mangel o Dad te blagosin le gola llene. 24O Del si Duo, ta gola kai blagosin le morabi ando Duo ta ando chachipe te blagosin le.
25E diskinia phenda leke:
Llanav kai si te avel o Mesias, kai gava si o Kristo, kana vou ka avel ka bristol amenge sa gala ezgode.
26O Jesus phenda lake:
Gua sem me, kai del orba tuia.
27Ondaka avile leke disipulura, ta chudisaile soke dela orba iekhe diskiniaia. A ni iek lendar ni puchla le so mangela voi, o katar so dela orba laia. 28E diskinia mukla po bardako ta lleli ando foro, ta phenda le saurrenge:
29Aven te dikhen iekhe llene kai phenda mange sa sogo cherdem. ¿Sai avel gava o Mesias?
30Ondaka likiste katar o foro, ta avile kai o Jesus. 31A leke disipulura molinape leke:
Kovachi, ja vareso.
32Vou phenda lenge:
Man si man iek jape, kai tumen ni pinllaren.
33Ondaka e disipulura thode te phenen iek avereke:
¿Sai avel kai ande leke vareso te jal?
34O Jesus phenda lenge:
Mo jape si te cherav e volia goleki kai bichalda man, ta te getosarav leki buchi. 35Tumen phenen:
‘Trubul star chon te avel e chidimake’, a me phenav tumenge dikhen po vostano, soke si reslo te sai chidiniaol. 36Ta gua kai chidel pochindiniaol leke, ta chidel septelie ostade zivotoke, te sai o simichari veselilpe golea kai chidel e septelie. 37Soke de istina si kana phenen ‘Iek si gua kai thovel e simicha ande phuv, a o gua si kai chidel e septelie’. 38Me bichalden tumen te chiden e septelie ande so tumen ni radisarden. Aver si gola kai radisarde, a tumen lien lengo chari.
39A but samaritanura katar gua foro pachaie ando Jesus pala e alava gole diskiniake, soke voi phenela: Phenda mange sa sogo cherdem 40Goleke kana avile e samaritanura, molisaile leke te achel lenchar. Ta vou achilo kote dui llive, 41ta mai but llene pachaie ande lete pala e Jesuseke alava, 42ta phenena gole diskiniake:
Akana amen pacha, na samo pala che alava soke isto amen asundam le, ta llana kai de istina vou si kai braduil e sueto.
O Jesus sastarel e chaurre katar iek sudo baro
Mt 8.5-13; Lk 7.1-10
43Nakhle dui llive ta o Jesus llelotar katar e phuv katar e Samaria ta avilo ande phuv katar e Galilea. 44Soke isto vou phendaia, iekhe profeta ni blagosin le ande leki phuv.#Mt 13.57; Mk 6.4; Lk 4.24. 45Kana avilo ande Galilea, e llene kai sea kotar lie le sukar, soke i von llelea pe llivesa katar e Paskua ando Jerusalem, ta dikhle e ezgode kai vou cherdaia.#Jn 2.23.
46O Jesus avilo pale ando foro kai ikhardol Kana, kote kai cherdaia o pai mol. Ta saia kote iek sudo baro e charoko kai leko chaurro saia nasualo ando foro kai ikhardol Kafarnaum.#Jn 2.1-11. 47Kana o sudo asunda kai o Jesus aviloia katar e Judea ande Galilea, avilo lete, ta molilape leke te llal te sastarel leke chaurre, soke saia po meripe. 48O Jesus phenda leke:
Tumen ni pachaiena te na dikhlena e bare ezgode Devlikane.
49A o sudo phenda leke:
Lla, soke mo chaurro ka merel.
50Ondaka o Jesus phenda:
Irisao chere soke cho chaurro zivil.
A vou pachaia ando alav kai phendaia leke o Jesus, ta llelotar. 51Ta kana avilo kai po cher, leke esluge avile lete ta phende leke:
¡Cho chaurro zivil!
52Vou puchla len kana thodaia te sastol leko chaurro, ta phende leke:
Arachi ande iek e lliveseko liape letar e muka.
53Ondaka o gua lleno acharda kai saia kana o Jesus phendaia leke: Cho chaurro zivil. A vou ta sa leko porodo pachaie ando Jesus.
54Gaia saia e duito bari ezgoda Devlikani kai cherdaia o Jesus kana avilo pale katar e Judea ande Galilea.
လက်ရှိရွေးချယ်ထားမှု
Juan 4: BACHRO
အရောင်မှတ်ချက်
မျှဝေရန်
ကူးယူ
မိမိစက်ကိရိယာအားလုံးတွင် မိမိအရောင်ချယ်သောအရာများကို သိမ်းဆည်းထားလိုပါသလား။ စာရင်းသွင်းပါ (သို့) အကောင့်ဝင်လိုက်ပါ
Biblia ande chib Romani © Sociedad Bíblica Chilena, 2018.
