ဆာလံကျမ်း 73:23-26

သို့သော် အကျွန်ုပ်​သည် ကိုယ်တော်​နှင့်အတူ အစဉ်မပြတ်​ရှိ​ခဲ့​ပါ​၏​။ ကိုယ်တော်​သည် အကျွန်ုပ်​၏​လက်ယာ​လက်​ကို ကိုင်​ထား​တော်မူ​၏​။ ကိုယ်တော်​၏​အကြံဉာဏ်​အားဖြင့် အကျွန်ုပ်​ကို​ရှေ့ဆောင်​လမ်းပြ​တော်မူ​ပြီးနောက် ဘုန်းအသရေ​တော်​ထဲသို့ ခေါ်ဆောင်​တော်မူ​လိမ့်မည်​။ ကောင်းကင်ဘုံ​၌ ကိုယ်တော်​မှတစ်ပါး အကျွန်ုပ်​တွင် မည်သူ​ရှိ​သနည်း​။ မြေကြီး​ပေါ်၌​လည်း ကိုယ်တော်​မှတစ်ပါး အခြား​မည်သည့်​အရာ​ကို​မျှ အကျွန်ုပ်​အလို​မ​ရှိ​ပါ​။ အကျွန်ုပ်​၏​ကိုယ်ခန္ဓာ​နှင့်​အကျွန်ုပ်​၏​စိတ်နှလုံး​သည် အားအင်ကုန်ခန်း​သော်လည်း ဘုရားသခင်​သည် အစဉ်အမြဲ အကျွန်ုပ်​စိတ်နှလုံး​၏​အစွမ်းသတ္တိ​၊ အကျွန်ုပ်​၏​ဝေစု​ဖြစ်​တော်မူ​၏​။